Decleraziun davart la protecziun da datas
1. Protecziun da Vossa sfera privata
Nossa interpresa è conscienta che la protecziun da Vossa sfera privata è impurtanta per Vus, cur che Vus duvrais nossa pagina d'internet. Nus prendain fitg serius la protecziun da Vossas datas persunalas. Pervia da quai vulain nus che Vus sappias cura che nus arcunain tge datas e co che nus las duvrain. Cun questa decleraziun davart la protecziun da datas As vulessan nus pervia da quai infurmar davart nossas mesiras concernent la protecziun da datas.
2. Champ d'applicaziun da la decleraziun davart la protecziun da datas
Elavuraziun da datas en il rom da l'utilisaziun da la mascra da candidatura e da l'elavuraziun administrativa da la candidatura cun noss instrument. Per candidatas e candidats resguardads substituescha il dretg da lavur questa decleraziun davart la protecziun da datas.
Per la decleraziun davart la protecziun da datas qua avant maun è applitgabla la lescha federala davart la protecziun da datas (LPD). Sco referenza per burgaisas e burgais da la UE vegni renvià – sin basa facultativa e senza renconuscher obligaziuns giuridicas – a l'ordinaziun da basa da la protecziun da datas da l'Uniun europeica (DSGVO [UE]).
3. Elavuraziun da datas che sa refereschan a persunas
Durant la procedura da candidatura vegnan arcunadas en la banca da datas da las candidatas e dals candidats – ultra da la titulaziun, dal num, dal prenum, da la data da naschientscha e da la naziunalitad – las datas da correspundenza usitadas sco adressa postala, adressa dad e-mail ed ils numers da telefon. Ultra da quai vegnan registrads tut ils documents che Vus inoltrais en connex cun la candidatura. Questas datas vegnan arcunadas, evaluadas, elavuradas u transmessas internamain mo en il rom da Vossa candidatura. Las datas pon vegnir elavuradas per intents statistics (p.ex. reporting). En quest connex n'èsi betg pussaivel da trair conclusiuns davart singulas persunas.
4. Intent d'utilisaziun da Vossas datas persunalas
Vossas datas che sa refereschan a Vossa persuna vegnan elavuradas exclusivamain en il rom da Vossa candidatura e per occupar la plazza.
5. Consentiment e basa da l'elavuraziun da datas
Cun far ina crusch en il champ "Jau accept la decleraziun davart la protecziun da datas" declerais Vus d'esser perencletg/-a che Vossas datas persunalas vegnian arcunadas ed elavuradas. Uschia mettais Vus a disposiziun Vossas datas persunalas a nossa interpresa per la tschertga resp. per l'occupaziun d'ina plazza da lavur. Voss consentiment areguard l'elavuraziun da las datas vegn protocollà. Vossas datas vegnan arcunadas ed elavuradas sin ils sistems da nossa partenaria d'informatica REFLINE AG (basa da l'elavuraziun da datas: art. 13 al. 1 LPD, basa da referenza: art. 6 al. 1 lit. a: DSGVO [UE]).
6. Protecziun da datas e confidenzialitad
Nossa interpresa e la REFLINE AG han prendì tut las mesiras organisatoricas e tecnicas necessarias per garantir la confidenzialitad, l'integritad e la disponibladad da Vossa candidatura. Tut las collavuraturas e tut ils collavuraturs da nossa interpresa, da nossa partenaria d'informatica sco er da terzas interpresas che vegnan consultadas en connex cun il support èn obligads en il rom da lur mandat contractual (da lavur) da mantegnair strictamain il secret davart datas persunalas. Las datas vegnan transferidas en moda codada tenor SSL. Las datas vegnan elavuradas a maun da standards generals concernent la segirezza da las datas e tenor il stadi actual da la tecnica.
Nossa interpresa applitgescha ultra da quai mesiras da segirezza tecnicas ed organisatoricas per proteger Vossas datas, che Vus ans avais mess a disposiziun, cunter manipulaziuns casualas u intenziunadas, cunter perdita, cunter midadas, cunter destrucziun u cunter access da persunas betg autorisadas. En cas che datas persunalas vegnan retschertgadas ed elavuradas, vegnan las infurmaziuns transferidas en moda codada per prevegnir ad in abus da las datas tras terzas persunas. Las mesiras da segirezza vegnan adattadas permanentamain en correspundenza cun il svilup tecnologic.
7. Access a las datas
Las datas che Vus ans avais rendì enconuschentas vegnan tractadas en moda confidenziala. En il rom d'ina candidatura concreta han invista da las datas, che Vus ans avais communitgà, mo quellas persunas entaifer nossa interpresa, che han da far cun l'occupaziun da la/s plazza/s. Nus ans resalvain il dretg da prender en consegna e d'examinar Vossa candidatura er per autras plazzas adattadas entaifer nossa interpresa, nun che Vus ans communitgeschias insatge auter.
Invista da las datas che Vus ans avais rendì enconuschentas han en spezial las persunas spezialisadas en fatgs da persunal sco er las scheffas u ils schefs da partiziun ch'èn responsabels per la tscherna entaifer nossa interpresa. Invista dal pool da candidaturas (candidaturas d'iniziativa) han tut las collavuraturas ed ils collavuraturs da la partiziun da persunal da nossa interpresa. Pir cur ch'ina tala candidatura per ina plazza concreta vegn en la selecziun pli stretga, survegn la scheffa respectiva u il schef respectiv da partiziun invista da las datas che Vus avais rendì enconuschentas.
En cas excepziunals han er collavuraturas e collavuraturs da noss partenari d'informatica, che nus consultain en cas d'in support, invista da las datas che Vus avais rendì enconuschentas.
Vossas datas na vegnan dadas vinavant en nagin cas ad ulteriuras interpresas u ad autras persunas u duvradas per auters intents. Las datas vegnan elavuradas en Svizra.
8. Dretg da dar infurmaziuns
Cun ina dumonda d'infurmaziun pudais Vus pretender infurmaziuns, tge datas sur da Vus che vegnan elavuradas. Per pudair far quai As supplitgain nus d'ans preschentar ina legitimaziun d'identificaziun. Tramettai quella per plaschair a nossa partiziun da persunal. Vus avais da tut temp la pussaivladad da laschar midar u stizzar Vossas datas electronicas. Vus pudais revocar Voss consentiment a l'elavuraziun da Vossas datas. En quest cas vegnin nus a stizzar immediatamain Vossa candidatura. As drizzai per plaschair er per quai a nossa partiziun da persunal.
Directur da las resursas umanas
9. Autoritad incumbensada per la protecziun da datas
L'incumbensà federal per la protecziun da datas e per la transparenza (IFPDT) è il cussegliader e la persuna da surveglianza en dumondas da la protecziun da datas.
Federal Data Protection and Information Commissioner, FDPIC
Feldeggweg 1
3003 Berna
Svizra
10. Stizzada da las datas da candidaturas betg resguardadas
Documents da candidaturas betg resguardadas en connex cun in'annunzia concreta per ina plazza libra vegnan stizzads il pli tard sis (6) mais suenter l'occupaziun da la plazza, perquai che nossa interpresa sto ademplir fin alura eventualmain prescripziuns legalas (p.ex. observaziun da prescripziuns dal SECO). Independentamain dal menziunà qua survart avais Vus da tut temp la pussaivladad da laschar stizzar Vossas datas electronicas cun inoltrar ina dumonda al contact qua survart (cifra 8).
11. Responsabladad
Vossa candidatura electronica inoltrais Vus sin atgna responsabladad e sin atgna ristga. La responsabladad da nossa interpresa vegn exclusa en il rom ch'è admess da la lescha. Applitgabel è il dretg svizzer. La dretgira cumpetenta è la dretgira al domicil da nossa interpresa.