L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
Per manar noss team da la Gestiun ICT tschertgain nus ina persunalitad directiva engaschada e cun vastas cumpetenzas professiunalas, che sa distingua tras ina buna chapientscha tecnica, excellenta cumpetenza da manar e pensar en moda economica. Vus garantais il manaschi segir e l'ulteriur svilup da l'infrastructura IT da la IAS Grischun. Vus manais Voss team cun cleras visiuns, procurais per process da lavur effizients e contribuis activamain al svilup cuntinuà dals process.
Vossas incumbensas
- Manar il team Gestiun ICT en reguard professiunal, persunal ed operativ
- Garantir che l'infrastructura da server e da Windows Client funcziunia
- Garantir ch'ils programs interns funcziunian e che l'infrastructura dad IT saja disponibla
- Surpigliar la responsabladad per il management da configuraziun e da midadas
- Sviluppar vinavant l'infrastructura dad IT existenta en ils secturs clients, server, rait, bancas da datas e.u.v.
- Examinar ed introducir soluziuns innovativas per sustegnair l'ulteriur svilup digital
- Coordinar, manar e controllar ils furniturs da servetschs externs
- Manar e collavurar en projects da Voss champ da responsabladad
- Planisar, priorisar e manar las lavurs e las resursas che resultan en il team
- Surpigliar la responsabladad per in engaschament effizient da persunal e per in diever efficazi dals meds finanzials dal manaschi
- Planisar las investiziuns, far il preventiv e controllar ils custs
- Procurar per las prestaziuns ed ils meds da manaschi ch'èn necessaris per la Gestiun ICT sco er surpigliar la responsabladad per il management da contracts
- Realisar il sistem da controlla intern sco er il management da ristga e da qualitad
- Scriver rapports e basas da decisiun
Voss profil
- Scolaziun d'informatica terminada cun in diplom da furmaziun professiunala superiura en informatica economica (SSS/SAS) e, idealmain, cun ina furmaziun supplementara da nivel superiur en economia d'interpresa (SSS/SAS)
- Plirs onns experientscha professiunala e da manar en la gestiun ed il support da sistems dad ICT
- Fitg bun dun organisatoric sco er ina moda da lavurar structurada, independenta ed orientada a soluziuns
- Ferma orientaziun a la prestaziun da servetschs sco er bunas abilitads communicativas ed integrativas
- Abilitad da supportar squitsch, capacitad da decider e da sa far valair sco er interess da sviluppar vinavant andaments, process e soluziuns tecnicas
Nus ans legrain sin Vossa annunzia online e d'emprender d'enconuscher Vus.