L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
L'Assicuranza d'invaliditad (AI) è in'assicuranza sociala obligatorica en tut la Svizra. Cun mesiras d'integraziun sustegna ella persunas assicuradas, ch'èn periclitadas u pertutgadas d'invaliditad. Quai cun la finamira, che las persunas assicuradas possian segirar en moda autonoma per part u cumplettamain lur basa d'existenza. Sch'ina tala (re)integraziun n'è betg pussaivla u sch'ella è pussaivla mo per part, paja la AI ina renta (parziala).
Vossas incumbensas
- Registrar, controllar e decider davart dumondas da prestaziuns per meds auxiliars da la AI e da la AVS sco er per mesiras medicinalas
- Examinar pretensiuns tenor il dretg d'assicuranza e sa procurar documents che mancan
- Registrar datas ch'èn relevantas per il sistem sco er manar e documentar cas
- Cussegliar famiglias pertutgadas confurm als adressats ed al basegn sco er renviar las famiglias a posts spezialisads adattads
- Coordinar la collavuraziun interdisciplinara cun partenaris interns ed externs
- Examinar ed elavurar objecziuns
Voss profil
- Scolaziun da basa commerziala e/u medicinala terminad
- Fitg bunas enconuschientschas dal talian a bucca ed en scrit
- Enconuschientschas dal dretg d'assicuranza sociala sin nivel da referendariat; d'avantatg cun certificat professiunal federal
- Enconuschientschas da la medischina èn d'avantatg
- Moda da lavurar independenta, effizienta e sistematica sco er in pensar analitic
- Ina communicaziun apprezianta e confurm als adressats sco er in tractament fidà e discret d'infurmaziuns sensiblas
- Bunas enconuschientschas da las mesiras e dals process da la AI sco er la prontezza d'emprender e da s'adattar a midadas
Nus ans legrain sin Vossa annunzia online e d'emprender d'enconuscher Vus.