L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
L'Assicuranza d'invaliditad (AI) è in'assicuranza sociala obligatorica en tut la Svizra. Cun mesiras d'integraziun sustegna ella persunas assicuradas, ch'èn periclitadas u pertutgadas d'invaliditad. Quai cun la finamira, che las persunas assicuradas possian segirar en moda autonoma per part u cumplettamain lur basa d'existenza. Sch'ina tala (re)integraziun n'è betg pussaivla u sch'ella è pussaivla mo per part, paja la AI ina renta (parziala).
Vossas incumbensas
- Elavurar en moda independenta incumbensas da scleriment davart dumondas da prestaziun
- Controllar ils documents e dumandar quels che mancan
- Dar scleriments al lieu, per telefon u a maun da las actas
- Manar discurs cun persunas assicuradas, represchentanzas legalas sco er partenaris interns ed externs
- Scriver rapports da scleriment confurms a la lescha e documentar ils resultats
- Endatar las datas relevantas en ils sistems da la AI sco er elavurar las prestaziuns tenor las directivas da process
- Dar scleriments spezials e rediger posiziuns en scrit davart objecziuns e protestas
Voss profil
- Tgirunza u tgirunz, spezialista u spezialist da sanadad u ina professiun medicinala equivalenta, experientscha professiunala en la psichiatria è giavischada
- Abilitad da giuditgar differenziada e senn da responsabladad
- Buna abilitad da communitgar e plaschair da collavurar cun differentas gruppas d'interess
- Independenza, fidadadad, abilitad da cooperar ed orientaziun al team
- Abilitad da supportar squitsch ed agir sistematicamain en situaziuns pretensiusas
- Flexibilitad ed abilitad da s'adattar
- Permiss da manischar da la categoria B, auto privat
Nus ans legrain sin Vossa annunzia online e d'emprender d'enconuscher Vus.