L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
En questa funcziun da gronda responsabladad calculais Vus independentamain il dretg da survegnir prestaziuns supplementaras a la AVS/AI e prendais decisiuns fundadas. Cun Vossa lavur gidais Vus en moda essenziala, che nossas persunas assicuradas survegnian punctualmain e fidaivlamain las prestaziuns finanzialas ch'ellas han dabun e che lur basa d'existenza restia garantida.
Vossas incumbensas
- Calcular en moda independenta il dretg da survegnir prestaziuns supplementaras a la AVS/AI
- Examinar emprimas dumondas ed examinar regularmainil dretg da survegnir prestaziuns
- Elavurar mutaziuns ed adattar correspundentamain cas existents
- Sclerir conscienziusamain las situaziuns pretensiusas areguard finanzas e famiglia
- Cussegliar en moda cumpetenta las persunas assicuradas sco er lur represchentanzas, quai tant al telefon, sco er en scrit e persunalmain
- Avair contact cun divers uffizis, cun autras instituziuns publicas sco er cun las filialas da la AVS
Voss profil
- Scolaziun commerziala da basa
- Experientscha professiunala en ils secturs assicuranzas socialas, fiduziaria, taglias u administraziun publica
- Plaschair da s'occupar cun basas legalas e dumondas cumplexas
- Abilitad d'intermediar en moda chapaivla er cuntegns pretensius
- Bunas enconuschientschas en l'applicaziun dal computer
- Prontezza da sa sviluppar vinavant professiunalmain
- Moda da lavurar autonoma, fidada e cun senn da responsabladad
- Engaschament, flexibilitad ed abilitad da supportar squitsch
- Ferma orientaziun als basegns da la clientella ed als servetschs
Nus ans legrain sin Vossa annunzia online e d'emprender d'enconuscher Vus.