L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
Nus tschertgain ina persunalitad directiva engaschada per manar il team Servetschs centrals sin plaun professiunal ed operativ. Vus garantis ils servetschs centrals e garantis per in manaschi segir da las infrastructuras da l'edifizi. Vus manais Voss team cun survista, guardais per andaments effizients e cooperais activamain a l'ulteriur svilup dals process.
Vossas incumbensas
- Exequir la direcziun professiunala ed operativa dal team Servetschs centrals
- Organisar las incumbensas a la recepziun ed a la telefonia sco er en la cafetaria ed en la sala Chalavaina
- Garantir ils servetschs da chasa interns ed externs sco er nettegiar l'immobiglia da l'administraziun
- Surpigliar la responsabladad per la logistica e per l'administraziun dal material
- Garantir il manaschi, ils sistems e l'ulteriur svilup da las infrastructuras da l'edifizi
- Coordinar, manar e controllar ils furniturs da servetschs externs
- Planisar, organisar, collavurar e survegliar tut las lavurs che resultan
- Surpigliar la responsabladad per in engaschament effizient da persunal e per in diever efficazi dals meds finanzials dal manaschi
- Manar e collavurar en projects da Voss champ da responsabladad
- Planisar las investiziuns, far il preventiv e controllar ils custs
- Procurar e tgirar tenor contract las infrastructuras, las mobiglias ed il material
- Realisar il sistem da controlla intern sco er il management da ristga e da qualitad
- Scriver rapports e basas da decisiun
Voss profil
- Diplom SSS tecnica d'edifizis, commerziant tecnic cun certificat professiunal federal u scolaziun equivalenta
- Experientscha professiunala da plirs onns en in sectur da servetsch u d'infrastructura cumparegliabel
- Experientscha da manar glieud u la prontezza da surpigliar responsabladad directiva
- Cumpetenza d'organisar cun moda da lavurar structurada ed independenta
- Ferma orientaziun a la prestaziun da servetschs
- Abilitad da lavurar en in team e da supportar squitsch sco er forza da persvader
- Bunas abilitads communicativas ed integrativas
- Interess da sviluppar vinavant andaments e process
Nus ans legrain sin Vossa annunzia online e d'emprender d'enconuscher Vus.