L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
Perquai che la direcziun dal team vegn pensiunada, tschertgain nus ina persunalitad engaschada che ha plaschair da surpigliar responsabladad directiva ed in dun sin il champ dal management d'organisaziun e da process.
Il team Support AI ademplescha las incumbensas da support ch'èn vegnidas fixadas cun la clientella interna, per sustegnair il process da prestaziuns tar l'Uffizi da la AI. Las incumbensas èn tranter auter: preparar la posta ch'è entrada sin palpiri ed en furma electronica per l'elavuraziun specifica che suonda, endatar e midar datas da basa e d'adressa, registrar dumondas per prestaziuns da la AI e finalisar la posta davart mesiras d'integraziun ch'è preparada per trametter (stampar e pachetar). Plinavant garantescha il team Support AI ils process en il sectur d'expertisas, regress, spediziuns d'actas, surpigliadas da cas ed ulteriurs.
Vossas incumbensas
- Manar il team Support AI en reguard professiunal, persunal ed administrativ
- Communitgar en moda averta e chapaivla a l'intern sco er a l'extern
- Cooperar al svilup d'interpresa ed a la recrutaziun da persunal
- Incumbensa secundara: Garantir il management d'infrastructura dals centers administrativs regiunals en il contact tranter l'Uffizi da construcziun auta, la partiziun Fatschenta administrativa IAS e l'Uffizi da la AI
Voss profil
- Scolaziun da basa commerziala u d'economia da manaschi
- Scolaziun da direcziun u d'organisaziun ubain prontezza d'absolver quella (stgalim CAS)
- Experientscha professiunala da plirs onns en il sectur d'assicuranzas socialas, en il cas ideal persuna spezialisada per assicuranzas socialas
- Emprimas experientschas en ina funcziun da direcziun u da substituziun
- Affinitad per process administrativs sco er digitals e tecnics
- Plaschair d'ina cultura d'emprender e da svilup ch'è orientada a la soluziun
- Moda da lavurar autonoma, fidada e cun senn da responsabladad
- Fitg bunas abilitads da communitgar, gronda abilitad da lavurar en in team ed in pensar cumplessiv
Nus ans legrain sin Vossa annunzia online e d'emprender d'enconuscher Vus.