L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
L'assicuranza d'invaliditad (AI) è in'assicuranza sociala obligatorica en tut la Svizra. Cun mesiras d'integraziun sustegna ella persunas assicuradas, ch'èn periclitadas u pertutgadas d'invaliditad. Quai cun la finamira, che las persunas assicuradas possian segirar per part u dal tuttafatg lur basa d'existenza en moda autonoma. Sch'ina tala (re)integraziun n'è betg pussaivla u sch'ella è pussaivla mo per part, paja la AI ina renta (parziala).
Vossas incumbensas
- Sustegnair persunas che han ina restricziun da la sanadad, da mantegnair la plazza da lavur u da tschertgar ina plazza da lavur
- Manar discurs cun persunas pertutgadas, cun partenaris sco er cun patruns da lavur
- Far analisas da la situaziun, dals problems e da las resursas
- Planisar l'integraziun e l'elavuraziun da concessiuns e da refusas da prestaziuns
- Gestiunar ils dossiers d'integraziun
- Accumpagnar las persunas pertutgadas e coordinar tut las persunas participadas
- Far servetsch extern en il chantun Grischun
Voss profil
- Persunalitad integrativa cun experientscha en il sectur da l'integraziun professiunala u d'assicuranzas socialas
- Ina scolaziun terminada en coaching/management da cas è d'avantatg
- Enconuschientschas da medischina èn d'avantatg
- Persuna abla da supportar squitsch, speditiva, orientada a la clientella ed a las finamiras e cun segirezza da contractar
- Expressiun segira a bucca ed en scrit en las linguas chantunalas
- Bunas enconuschientschas d'utilisar il computer
- Persuna averta, communicativa e constructiva ch'è abla da lavurar en in team
- Permiss da manischar ed agen vehichel per il servetsch extern
Nus ans legrain sin Vossa annunzia online e d'emprender d'enconuscher Vus.