L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
L'assicuranza d'invaliditad (AI) è in'assicuranza sociala obligatorica en tut la Svizra. Cun mesiras d'integraziun sustegna ella persunas assicuradas, ch'èn periclitadas u pertutgadas d'invaliditad. Quai cun la finamira, che las persunas assicuradas possian segirar per part u dal tuttafatg lur basa d'existenza en moda autonoma. Sch'ina tala (re)integraziun n'è betg pussaivla u sch'ella è pussaivla mo per part, paja la AI ina renta (parziala).
Vossas incumbensas
- Cussegliar ed accumpagnar persunas cun ina restricziun da la sanadad sin lur via en l'integraziun professiunala, quai cun la finamira da cuntanscher ina integraziun en l'emprim martgà da lavur
- Elavurar independentamain ed en moda cumpetenta las basas da decisiun necessarias
- Surpigliar management da cas ed accumpagnar process
- Communitgar e contractar cun ils partenaris interns ed externs ch'èn participads al process d'integraziun
Voss profil
- Diplom d'in studi da psicologia u d'in studi da scola auta spezialisada en il sectur pedagogic, social u d'economia da manaschi
- Terminà la furmaziun supplementara en cussegliaziun da professiun e da carriera u la prontezza d'absolver tala
- Vus persvadais cun Vossa gronda cumpetenza sociala, cun Vossa abilitad da communitgar e da lavurar en in team
- Vossa creativitad e Vossa atgna iniziativa integrais Vus activamain en la collavuraziun
- Perseveranza ed abilitad da supportar squitsch As caracteriseschan
- Ina demananza positiva, empatia e forza da persvader cumpletteschan Voss profil
Nus ans legrain sin Vossa annunzia online e d'emprender d'enconuscher Vus.