L'Institut d'assicuranza sociala dal chantun Grischun è il center da cumpetenza per las assicuranzas socialas cun var 220 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
Nus tschertgain ina persuna spezialisada engaschada per il svilup dal persunal, che sustegna noss cader e nossas collavuraturas e noss collavuraturs en dumondas da la promoziun, dal svilup da la carriera e da la preservaziun da talents. Vus gidais a concepir mesiras per il svilup dal persunal e per la promoziun da talents giuvens, promovais ina cultura d'interpresa innovativa e gidais a rinforzar nossa attractivitad sco patrun da lavur.
Vossas incumbensas
- Crear programs innovativs per il svilup dal persunal e da talents, ils quals entusiasmeschan e rinforzan las collavuraturas ed ils collavuraturs en lur svilup
- Accumpagnar il cader en dumondas da la promoziun, planisaziun da la carriera e preservaziun da talents
- Concepir e moderar workshops e trainings cun in effect persistent
- Stabilir programs da talents e da mentoring, che rendan visibels e promovan ils potenzials
- Concepir in onboarding cordial, a maun dal qual ils novs talents sentan a partir da l'emprim di: Qua sun jau en il dretg lieu
- Far avanzar iniziativas dad employer branding per rinforzar l'attractivitad sco patrun da lavur
- Preparar insights sin basa da datas, analisas e recumandaziuns per sviluppar vinavant cuntinuadamain il svilup dal persunal
Voss profil
- Scolaziun commerziala da basa, cumplettada cun furmaziun supplementara en il sectur da svilup dal persunal (attestat professiunal, CAS u sumegliant)
- Experientscha da plirs onns en il svilup dal persunal e da talents, management da talents u employer branding
- Fermas cumpetenzas da manar projects, ensemen cun in senn analitic ed ideas creativas
- Fermezza communicativa, cumpetenza da cussegliaziun e plaschair da crear raits
- Discreziun, fidadadad – e plaschair da surpigliar incumbensas da realisaziun
Nus ans legrain sin Vossa annunzia online e d'emprender d'enconuscher Vus.