Ina collavuratura u in collavuratur per las controllas dals patruns AVS / substituta u substitut dal manader dal team Support CP
Pensum: 80% - 100%
S'annunziar uss
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Sco collavuratura u collavuratur per las controllas dals patruns AVS planisais e realisais Vus revisiuns externas tar ils commembers da las cassas da cumpensaziun chantunalas e coordinais incumbensas da revisiun cun ils partenaris da servetsch. Sco substituta u substitut da la direcziun dal team sustegnais Vus il manader dal team en la direcziun professiunala, persunala ed administrativa dal team Support CP.

Vossas incumbensas
  • Coordinaziun e realisaziun da controllas dals patruns dals commembers da la Cassa da cumpensaziun da la AVS
  • Elavuraziun dals rapports da controlla respectivs e documentaziun dals resultats da las controllas
  • Procuraziun / elavuraziun dals rendaquints dals salaris mancants dals patruns
  • Coordinaziun e surveglianza da las controllas dals patruns che ston vegnir realisadas tras partenaris da servetsch
  • Cussegliaziun da patruns, persunas assicuradas, uffizis ed autoritads areguard l'obligaziun d'avair in'assicuranza e da pajar contribuziuns a la AVS/AI/UCG, AD, CCF, LPP ed LAA
Voss profil
  • Scolaziun da basa commerziala, scola da commerzi u scolaziun equivalenta ed experientscha professiunala en il sectur da l'assicuranza sociala u da las finanzas e da la contabilitad
  • In attestat professiunal en finanzas e contabilitad u en il sectur da l'assicuranza sociala u ina furmaziun supplementara equivalenta èn d'avantatg
  • Persunalitad averta, che ha plaschair da prender decisiuns e ch'è abla da supportar squitsch
  • Fitg bunas abilitads da communitgar en tudestg. Enconuschientschas dal talian èn d'avantatg
  • Bunas enconuschientschas d'informatica ed affinitad per la IT
Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas en connex cun la lavur stat a disposiziun Räto Müller, Manader da squadra support cassa da cumpensaziun, sut il numer da telefon +41 81 257 43 25.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.
S'annunziar uss