L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.
La cassa da cumpensaziun n'ha betg mo l'incumbensa da fixar las contribuziuns, mabain er d'incassar las contribuziuns. L'incassament da las contribuziuns cumpiglia tant la facturaziun sco er las admoniziuns e la procedura da scussiun e sa drizza tenor las prescripziuns legalas.
Vossas incumbensas
En in pitschen team essas Vus cumpetenta u cumpetent per elavurar e per survegliar la procedura da rendaquint confurm als termins e confurm a la lescha. Las lavurs cumpiglian principalmain
- incassament da las contribuziuns (AVS, AI, UCG, AD, CCF e.u.v.)
- mesiras d'incasso tenor la LSC
- cunvegnas davart la suspensiun da pajaments u davart pajaments en ratas
- traffic monetar e da pajaments per l'entir sectur spezial da l'Institut d'assicuranza sociala
Voss profil
Las premissas optimalas èn
- scolaziun commerziala ed intgins onns experientscha professiunala (da preferenza en la contabilitad u en il sectur d'incasso)
- enconuschientschas dal dretg da scussiun e da concurs
- fitg bunas enconuschientschas dal tudestg
- en il cas ideal bunas enconuschientschas dal talian
- moda da lavurar en atgna responsabladad e structurada
- abilitad da supportar squitsch e forza da persvader
- abilitad da lavurar en in team e flexibilitad
- interess da sa perfecziunar professiunalmain
Nus ans legrain sin Vossa annunzia online e d'emprender d'enconuscher Vus.