Sco collavuratura u collavuratur dal Servetsch da scleriment essas Vus responsabla u responsabel per l'elavuraziun administrativa independenta e confurma a la lescha da l'entir process concernent las dumondas da conceder ina indemnisaziun a persunas dependentas d'agid (da la AI persunas creschidas e persunas minorennas, a la AVS) ed ina contribuziun d'assistenza. Plinavant frequentais Vus – sco spezialista u spezialist da scleriment – las persunas assicuradas e discutais cun ellas per examinar lur dretg individual d'obtegnair in pajament d'assicuranza. Vus redigis rapports che servan sco la basa essenziala per differents process da decisiun da l'Uffizi da la AI. En questa activitad tgirais Vus in barat interdisciplinar cun posts interns ed externs. En la funcziun da substituziun gidais Vus la manadra dal team ad ademplir incumbensas professiunalas, administrativas e dals fatgs da persunal.

Vus avais terminà ina scolaziun da basa medicinala (p.ex. spezialista u spezialist da sanadad AFQ, tgirunza u tgirunz SSS, assistenta u assistent da pratica da medi). Ultra da quai avais Vus in'experientscha professiunala da plirs onns e possedais l'attestat professiunal Spezialista u spezialist per assicuranzas socialas ubain essas pronta u pront d'absolver la furmaziun supplementara correspundenta. Nus ans drizzain ad ina persunalitad communicativa, responsabla e cooperativa che ha plaschair dal contact cun umans. Vus avais ina fitg buna expressiun tant a bucca sco er en scrit en tudestg. En il cas ideal avais Vus er bunas enconuschientschas a bucca ed en scrit dal talian. Plinavant avais Vus in'affinitad per process administrativs, per process dal management da qualitad e bunas enconuschientschas da l'applicaziun dal computer. Per questa activitad en il servetsch extern possedais Vus in permiss da manischar da la categoria B ed avais in auto a Vossa disposiziun.