Vus essas pronta u pront da surpigliar ina rolla centrala en il manaschi ed en l'ulteriur svilup d'ina infrastructura dad IT orientada al futur. En questa funcziun avais Vus la responsabladad per ils conturns da server virtualisads, per il sistem VDI sco er per ils ulteriurs servetschs da server.
En in team engaschà cun experientscha garantis Vus il manaschi operativ da noss conturns da client virtualisads sco er da l'infrastructura interna dad IT. Vus na tgirais betg mo ils sistems classics, sco ils servers da Windows, Citrix VDI u las bancas da datas da Microsoft SQL, mabain applitgais er activamain Vossa savida da Microsoft 365 e da tecnologias da cloud sco Azure. Vus gidais a sviluppar vinavant cuntinuadamain nossas soluziuns dad IT – en moda effizienta, segira ed orientada a l'utilisaziun. Sco persuna da contact coordinais Vus il change management sco er il incident management cun noss partenaris externs e pussibilitais a nossas collavuraturas ed a noss collavuraturs d'elavurar lur dumondas en moda orientada a soluziuns.
Vus avais terminà ina scolaziun en il sectur da l'informatica u en in sectur professiunal cumparegliabel (AFQ, SSS, SAS u equivalent). Ultra da quai avais Vus enconuschientschas fundadas da las tecnologias da Microsoft ed experientscha da gestiunar secturs sco Hyper-V e Citrix VDI. Vus avais er fitg bunas cumpetenzas analiticas e concepziunalas. Vus essas ina persunalitad averta ed engaschada cun ina moda da pensar cumplessiva, avais ina gronda conscienza per ils servetschs sco er ina moda da lavurar independenta, structurada ed orientada al team. Per nossas sfidas futuras e per Voss svilup persunal essas Vus pronta u pront d'absolver furmaziuns supplementaras cumplementaras a la professiun. Plinavant avais Vus la prontezza da far servetschs ordaifer il temp da lavur regular sco er bunas enconuschientschas dal tudestg a bucca ed en scrit.