En in team engaschà cun experientscha essas Vus cumpetenta u cumpetent per gestiunar e per sviluppar vinavant ils workflows da noss sistem d'administrar process sco er per barattar datas cun sistems externs. En collavuraziun cun ils servetschs spezials administrais Vus ils models da basa per scriver brevs individualas sco er ils sistems d'utilisaziun e d'autorisaziun. Vus essas responsabla u responsabel per realisar il concept da rollas definì e procurais che las collavuraturas ed ils collavuraturs possian utilisar optimalmain noss programs spezials. Plinavant coordinais Vus il change management sco er il incident management cun noss partenaris externs. Vus gidais activamain a meglierar noss programs e faschais las controllas da qualitad necessarias. Sco persuna da contact pussibilitais Vus a nossas collavuraturas ed a noss collavuraturs d'elavurar lur dumondas en moda orientada a soluziuns.

Vus avais absolvì ina scolaziun da basa en il sectur da l'informatica u disponis d'ina qualificaziun cumparegliabla. Vus promovais ils svilups en Voss agen champ d'incumbensas ed avais interess per soluziuns novas ed innovativas. Plinavant avais Vus fitg bunas cumpetenzas analiticas e concepziunalas. Vus essas ina persunalitad averta ed engaschada cun ina moda da pensar cumplessiva, avais ina gronda conscienza per ils servetschs sco er ina moda da lavurar independenta, structurada ed orientada al team. Per nossas sfidas futuras e per Voss svilup persunal essas Vus pronta u pront d'absolver furmaziuns supplementaras cumplementaras a la professiun. Ultra da quai saveis Vus fitg bain tudestg a bucca ed en scrit.