Sco persuna spezialisada per la gestiun da documents elavurais Vus las datas centralas da partenarias e partenaris ed essas responsabla u responsabel per la preparaziun, il scanning e l'indexaziun dals documents entrads.
Vus registrais e modifitgais en divers champs las datas centralas da persunas assicuradas e d'interpresas sco er da commembras e commembers ch'èn suttamess al rendaquint. Medemamain essas Vus responsabla u responsabel per la verificaziun, la preparaziun e la digitalisaziun dals documents entrads. Vus essas averta u avert per ulteriuras activitads administrativas. Ina stretga collavuraziun cun auters secturs fa medemamain part da Voss champ d'incumbensas multifar ed interessant. In'extensiun dal champ d'incumbensas è pussaivla tenor Vossas qualificaziuns.
Vus avais terminà ina scolaziun commerziala u ina scolaziun equivalenta ed avais bunas enconuschientschas en l'applicaziun dal computer. Per questa funcziun tschertgain nus ina persunalitad flexibla, averta e communicativa cun in bun dun receptiv. Vus lavurais gugent en moda independenta ed orientada a las finamiras ed als resultats.