Persuna spezialisada per il team prestaziuns supplementaras
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

En questa funcziun calculais Vus il dretg da survegnir prestaziuns supplementaras a la AVS/AI e decidais en chaussa. Vus procurais, che nossas persunas assicuradas survegnian a temp las prestaziuns en daners ch'ellas han il dretg da survegnir e che la basa d'existenza restia uschia garantida.

Vossas incumbensas

En in team da 12 collavuraturas e collavuraturs controllais Vus emprimas dumondas, elavurais controllas periodicas dal dretg da prestaziuns ed adattais ils cas activs sin basa da mutaziuns. En il center da questa elavuraziun specifica qualifitgada e pretensiusa stattan vasts scleriments da la situaziun finanziala e famigliara da las petentas e dals petents. Declerar fatgs cumplexs en ina lingua simpla è ina sfida speziala en connex cun las infurmaziuns al telefon, en scrit e persunalmain a las persunas assicuradas ed a lur represchentanzas. Contacts frequents cun divers uffizis, cun autras instituziuns publicas sco er cun las filialas da la AVS tutgan er tar quest champ d'activitad interessant.

Voss profil

Vus avais terminà ina scolaziun commerziala fundamentala ed avais intgins onns experientscha professiunala en ils secturs da las assicuranzas socialas, da la fiduziaria, da las taglias u en l'administraziun publica. Vus dumagnais bain l'applicaziun da disposiziuns legalas e da directivas e Vus chapis connexs spezialisads cumplexs. Vossas bunas enconuschientschas en l'applicaziun dal computer As faciliteschan l'access professiunal. Per nossas sfidas futuras e per Voss svilup persunal essas Vus pronta u pront d'absolver furmaziuns supplementaras cumplementaras a la professiun. Vus essas ina persunalitad motivada, engaschada, flexibla ed abla da supportar squitsch e Vus essas disada u disà d'agir en atgna responsabladad. Vus represchentais nossas valurs cun tractar ils basegns e giavischs da nossa clientella en moda umana e tenor desideri sco er cun prestar in servetsch irreproschabel.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas en connex cun la lavur stat a disposiziun Sebastian Schindler, Manader dal team prestaziuns supplementaras, sut il numer da telefon +41 81 257 41 74.

Per dumondas en connex cun il process da recrutaziun contactai p.pl. Silvia Calzaferri, Spezialista HR, sut il numer da telefon: +41 81 257 41 20.
Nus ans legrain sin Vossa annunzia online e d'emprender d'enconuscher Vus.