L’assicuranza d’invaliditad (AI) è in’assicuranza sociala obligatorica en l’entira Svizra. Ella sustegna las persunas assicuradas ch’èn smanatschadas u pertutgadas d’invaliditad cun mesiras d’integraziun. La finamira è che las persunas assicuradas possian segirar lur existenza dal tuttafatg u per part a moda autonoma. Sch’ina tala (re)integraziun n’è betg pussaivla u pussaivla mo per part, paja l’AI ina renta (parziala).
Vus gidais persunas cun ina restricziun da la sanadad da mantegnair lur plazza da lavur u da tschertgar ina nova plazza. Vus cussegliais persunalmain, surpiglias la planisaziun d'integraziun e prendais mesiras orientadas a las finamiras. Sco intermediatura resp. intermediatur tranter las persunas assicuradas, las patrunas ed ils patruns e las assicuranzas integrais Vus las partenarias ed ils partenaris interns ed externs impurtants en il process d'integraziun. Vus essas la persuna responsabla per schlargiar la rait da contacts cun patrunas e patruns e da tgirar quella. Tar Vossas incumbensas tutgan era las lavurs administrativas da preparaziun e terminaziun. Sco collavuratura u collavuratur dal servetsch extern essas Vus en viadi en il Grischun.
Per questa incumbensa pretensiusa tschertgain nus ina persuna integrativa cun enconuschientschas fundadas ed experientscha professiunala correspundenta en ils secturs da l'integraziun professiunala u da las assicuranzas socialas. Da preferenza avais Vus terminà ina scolaziun sin ils champs Coaching/Case Management ed avais gia fatg experientschas medicinalas. Vus essas ina persuna abla da lavurar sut squitsch ed avais bunas abilitads da contrahar. Vus lavurais a moda speditiva ed orientada a la clientella ed a las finamiras. Bunas enconuschientschas a bucca ed en scrit da las linguas chantunalas sco era bunas enconuschientschas da l'EED èn giavischadas. Grazia a Voss caracter avert, communicativ e constructiv contribuis Vus ad in bun clima da team. Per la lavur en il servetsch extern possedais Vus in permiss dad ir cun auto ed in vehichel a motor.