L’assicuranza d’invaliditad (AI) è in’assicuranza sociala obligatorica en l’entira Svizra. Ella sustegna las persunas assicuradas ch’èn smanatschadas u pertutgadas d’invaliditad cun mesiras d’integraziun. La finamira è che las persunas assicuradas possian segirar lur existenza dal tuttafatg u per part a moda autonoma. Sch’ina tala (re)integraziun n’è betg pussaivla u pussaivla mo per part, paja l’AI ina renta (parziala).
En Vossa activitad examinais Vus dumondas per meds d’agid (apparats d’udida, agids ortopedics, etc.) e mesiras medicalas (diversas mendas da naschientscha). Sco persuna da contact per nossas clientas e clients essas Vus cumpetenta ed orientada als servetschs e scleris differents aspects per survegnir ina survista cumplessiva da la situaziun. Vus prendais decisiuns e communi-tgais quellas en scrit.
Vus avais terminà ina scolaziun commerziala, ina scolaziun medicinala u ina scolaziun equivalenta e disponis d’enconuschientschas en il sectur da las assicuranzas socialas. Emprimas experientschas da gestiunar in cas cumpletteschan Voss profil. En pli prendais Vus gugent decisiuns ed As sentis bain en in ambient dinamic. Vus pensais a moda interdisciplinara ed As interessais per temas giuridics e medicinals.Vus savais fitg bain tudestg e talian.