Ina referendaria u in referendari per il team prestaziuns supplementaras
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

En questa funcziun avais Vus la responsabladad da pajar las prestaziuns supplementaras or da la 1. pitga. Vus procurais che nossas persunas assicuradas survegnian a temp las prestaziuns finanzialas che cumpetan ad ellas per che lur basa d’existenza restia garantida.

Vossas incumbensas

Vus elavurais dumondas per prestaziuns supplementaras ad ina renta AVS u AI. En il center da questa incumbensa qualifitgada e pretensiusa èn scleriments detagliads da la situaziun finanziala e famigliara da las petentas e dals petents. Vus calculais, giuditgais e decidais, schebain las dumondas correspundan a las pretensiuns per ina prestaziun supplementara. Dar infurmaziuns telefonicas, scrittas u persunalas a persunas assicuradas, uffizis, autras instituziuns publicas e filialas da l'AVS tutgan medemamain tar quest champ da lavur interessant. Suenter l'introducziun correspundenta en la lavur sustegnais Vus la direcziun dal team en process spezialisads e tecnics ed en projects.

Voss profil

Vus avais terminà ina scolaziun da basa commerziala e disponis d’intgins onns experientscha professiunala pratica en il sectur da las assicuranzas socialas, sin il sectur fiduziar u en l'administraziun publica. Vus enconuschais bain las disposiziuns ed instrucziuns legalas e vesais connexs professiunals cumplexs. Vus essas ina persuna motivada, engaschada, flexibla e resilienta cun bunas abilitads da communitgar e lavurais en atgna responsabladad. En pli avais Vus in'affinitad per andaments administrativs, per process dal management da qualitad e per l'IT. Per nossas sfidas futuras e Voss svilup persunal essas Vus pronta u pront da far perfecziunaments cumplementars a la professiun. Vus represchentais nossas valurs cun satisfar als basegns ed als giavischs da nossas clientas e da noss clients a moda umana ed orientada a lur basegns e cun far servetschs irreproschabels.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Sebastian Schindler, Manader dal team prestaziuns supplementaras, gugent a Vossa disposiziun sut il numer da Telefon: +41 81 257 41 74.

Per dumondas en connex cun il process da recrutaziun contactai p.pl. Silvia Calzaferri, Spezialista HR, sut il numer da telefon: +41 81 257 41 20.
Nus ans legrain sin Vossa annunzia online e d'emprender d'enconuscher Vus.