Ina collavuratura u in collavuratur per il center da service AVS
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Vus elavurais las datas centralas da noss partenaris ed essas la persuna responsabla per la preparaziun professiunala, la digitalisaziun e l'indexaziun dals documents entrads.

Vossas incumbensas

Per ils servetschs da l'Institut d'assicuranza sociala registrais e mutais Vus las datas persunalas e da fatschenta centralas da persunas assicuradas e da commembras e commembers obligads da pajar ina contribuziun a l'assicuranza sociala. Plinavant essas Vus la persuna cumpetenta per examinar, preparar e digitalisar ils documents entrads. Vus essas pronta u pront da surpigliar ulteriuras activitads administrativas e da sustegnair ils servetschs centrals. Da Voss champ d'incumbensas multifar ed interessant fa era part la stretga collavuraziun cun tut ils secturs spezialisads.Tut tenor la qualificaziun po Voss champ d’incumbensas anc vegnir amplifitgà.

Voss profil

Vus avais terminà cun success ina scolaziun commerziala da basa u ina scolaziun equivalenta ed avais bunas enconuschientschas da l'informatica. Enconuschientschas dal talian èn giavischadas. Nus ans drizzain ad ina persuna flexibla, averta e communicativa cun in bun dun receptiv. Vus lavurais gugent a moda autonoma ed orientada ad ina clera finamira cun il resultat en il center.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Räto Müller, Manader da squadra support cassa da cumpensaziun, gugent a Vossa disposiziun sut il numer da Telefon: +41 81 257 43 25.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.