ina collavuratura u in collavuratur per la centrala da telefon e la recepziun
Pensum: 60%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Vus essas l'emprima persuna da contact per las dumondas da nossa clientella a la recepziun ed en la centrala da telefon. Vus surpigliais differentas lavurs administrativas e sustegnais il center da servetschs; nus tschertgain ina persuna communicativa, orientada als servetschs che dispona d'ina scolaziun commerziala e da fitg bunas enconuschientschas dal tudestg e dal talian.

Vossas incumbensas

A la recepziun ed en la centrala da telefon essas Vus l'emprima persuna da contact per las dumondas da nossa clientella. Vus disponis d'ina cumparsa amiaivla, cultivada e cumpetenta e mantegnais il sang fraid er en fasas pli hecticas. Ultra da quai essas Vus la persuna responsabla per differentas lavurs administrativas e sustegnais en cas da basegn il team dal center da servetschs da preparar la lavur, da scannar documents, d'indexar els e da tgirar l'administraziun da partenaris. Mintg'onn introducis Vus per in tschert temp nossas emprendistas e noss emprendists en la lavur a la recepziun. Per ordinari lavurais Vus dis entirs e quels pon variar dad emna ad emna.Durant absenzas da vacanzas da Vossas collegas e da Voss collegas lavurais Vus en in pensum da 100%.

Voss profil

Nus ans drizzain ad ina persunalitad communicativa, orientada als servetschs e disada da lavurar sut squitsch che dispona d'ina scolaziun commerziala terminada u d'ina scolaziun equivalenta e che ha bunas enconuschientschas da lavurar cun il computer. Vus As engaschais gugent en in team pitschen, As distinguais cun Vossa moda d'agir cumpetenta e savais duvrar a moda segira Vossas fitg bunas enconuschientschas dal tudestg e dal talian en contact cun nossa clientella.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Joachim Cadonau, Substitut dal directur, gugent a Vossa disposiziun sut il numer da Telefon: +41 81 257 41 01.

Per dumondas en connex cun il process da recrutaziun contactai p.pl. Silvia Calzaferri, Spezialista HR, sut il numer da telefon: +41 81 257 41 20.
Nus ans legrain sin Vossa annunzia online e d'emprender d'enconuscher Vus.