Ina referendaria u in referendari per il team dals servetschs en l'uffizi da l'AI
Pensum: 80%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

L’assicuranza d’invaliditad (AI) è in’assicuranza sociala obligatorica en l’entira Svizra. Ella sustegna las persunas assicuradas ch’èn smanatschadas u pertutgadas d’invaliditad cun mesiras d’integraziun. La finamira è che las persunas assicuradas possian segirar lur existenza dal tuttafatg u per part a moda autonoma. Sch’ina tala (re)integraziun n’è betg pussaivla u pussaivla mo per part, paja l’AI ina renta (parziala).

Vossas incumbensas

Vus ademplis ils servetschs cunvegnids cun las clientas ed ils clients interns per sustegnair ils process da prestaziun da l’uffizi da l’AI. Vus essas tranter auter responsabla u responsabel per preparar per l’elavuraziun specifica la posta fisica ed electronica ch’entra, per registrar e far mutaziuns da las datas principalas e las adressas, per registrar las dumondas per prestaziuns da l’AI e per finalisar (stampa centrala e pachetadi) la posta elavurada en connex cun mesiras d’integraziun ch’è pronta per spedir.Tut tenor la qualificaziun po Voss champ d’incumbensas anc vegnir amplifitgà.

Voss profil

Vus avais terminà ina scolaziun commerziala da basa ed avais interess da lavurar en il sectur da las assicuranzas socialas. Vus essas ina persunalitad proactiva, engaschada e perseveranta, lavurais gugent en in team, liquidais speditivamain las incumbensas e disponis d’autas cumpetenzas socialas. Vus avais in’affinitad per l’IT, enconuschais a fund ils products da MS-Office e savais bain tudestg. In pensar interdisciplinar, l’abilitad da dumagnar sfidas a moda flexibla en in ambient dinamic ed in’auta capacitad da s’adattar cumpletteschan Voss profil.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Felix Deplazes, Manader da squadra servetschs, gugent a Vossa disposiziun sut il numer da Telefon: +41 81 257 42 51.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.