Ina referendaria u in referendari per il team supplements da famiglia e cumpensaziun da la perdita da gudogn
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Vus elavurais ensemen cun Vossas collegas e Voss collegas da team las dumondas per supplements da famiglia e scleris las premissas per conceder quels, faschais en quest connex examinaziuns cumplessivas e dais infurmaziuns multifaras. Ultra da quai manais Vus ensemen cun il team ils dossiers per las cumpensaziuns da la perdita da gudogn (cumpensaziun dal gudogn, indemnisaziun da maternitad u indemnisaziun per l'auter genitur).

Vossas incumbensas

En questa plazza elavurais Vus a moda independenta las dumondas da persunas cun activitad da gudogn dependenta ed independenta, da patrunas e patruns e da persunas senza activitad da gudogn en connex cun la retratga da supplements da famiglia. Vossa incumbensa èsi en emprima lingia da sclerir las premissas per conceder questas indemnisaziuns. Ultra da quai examinais ed elavurais Vus las dumondas per la cumpensaziun da la perdita da gudogn, e quai en atgna responsabladad, a moda professiunala ed orientada a la clientella. Vus avais tranter auter l'incumbensa da controllar las premissas per retrair indemnisaziuns e da far ils pajaments da quellas. Per quest champ da lavur interessant èsi indispensabel d'avair plaschair dal contact cun la clientella.

Voss profil

Per questa plazza pretensiusa disponis Vus d'ina scolaziun commerziala da basa. Experientscha professiunala en in'activitad administrativa cumplexa (champ da las assicuranzas socialas, sectur fiduziar, administraziun publica) facilitescha Voss'entschatta tar nus. Grazia a Voss bun dun receptiv, Voss plaschair da prender decisiuns e Voss caracter fidabel essas Vus svelt ina commembra preziusa u in commember prezius da noss team. Nossas assicuradas e noss assicurads apprezieschan Vus, perquai che Vus purschais in servetsch professiunal e fitg amiaivel. Vus savais As exprimer bain a bucca ed en scrit ed As legrais davart pussaivladads da svilup en in ambient dinamic cun blera responsabladad persunala.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Corina Iten, Manadra da squadra supplements da famiglia, gugent a Vossa disposiziun sut il numer da Telefon: +41 81 257 43 26.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.