Ina referendaria u in referendari per il team contribuziuns
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Vus e Vossas collegas e Voss collegas da la squadra tgirais nossas clientas e noss clients obligads da pajar contribuziuns a l'Institut d'assicuranza sociala dal chantun Grischun. Quai èn patrunas e patruns, persunas cun activitad da gudogn independentas e persunas senza activitad da gudogn.

Vossas incumbensas

En questa plazza pretensiusa e da gronda responsabladad en in ambient dinamic essas Vus responsabla u responsabel dad A fin Z per il process da clientella. Vus examinais ed elavurais annunzias, faschais quints da contribuziuns e cussegliais nossas clientas e noss clients en connex cun l'obligaziun d'assicurar e l'obligaziun da pajar contribuziuns. Vus elavurais cun plaschair las dumondas, calculais las contribuziuns ed essas la persuna da contact per infurmaziuns. Cun Vossa maniera curtaschaivla dais Vus scleriment per telefon, en scrit ed a moda persunala a nossas clientas e noss clients, ad uffizis sco autras instituziuns publicas ed uffizis communals da l'AVS.

Voss profil

Vus avais fatg ina scolaziun commerziala da basa ed avais experientscha professiunala da preferenza en il sectur da las assicuranzas socialas, en il sectur fiduziar u en l'administraziun publica (administraziun communala/uffizi da taglia). Vus essas ina persuna iniziativa ch'è abla da lavurar en in team e che supporta squitsch. Vus As occupais gugent da fatgs cumplexs e vesais Voss futur en il metier interessant da las assicuranzas socialas. En questa activitad è dumandada Vossa capacitad da pensar a moda cumplessiva e Voss flair per cifras. Vus surpigliais gugent responsabladad ed appreziais il contact cun nossas clientas e noss clients. Vus prendais gugent per mauns las chaussas e mettais en moviment ellas. Vus essas in teamplayer che communitgescha bain e gugent e che s'adattescha spert a ses visavi.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Adrian Tumler, Manader da squadra contribuziuns, gugent a Vossa disposiziun sut il numer da Telefon: +41 81 257 41 81.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.