Emprendissadi da commerzianta u commerziant AFQ

Pensum: 100%

L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

Nus tschertgain duas persunas giuvnas motivadas che cumpletteschan a partir da l'avust 2025 nossa lessiga squadra d'emprendistas e d'emprendists. Ti has la chaschun d'emprender la professiun da commerzianta resp. da commerziant AFQ en la branscha assicuranzas da malsauns ed assicuranzas socialas. L'emprendissadi dura trais onns ed empermetta in champ da lavur interessant e multifar. La savida acquistada tar l'Institut d'assicuranza sociala dal chantun Grischun accumpogna e sustegna tai per vita duranta. Tar nus obtegnas ti ina scolaziun professiunala solida e pratitgeschas in'activitad raschunaivla.

Vossas incumbensas

Sco emploiad:a da commerzi futur:a da l'Institut d'assicuranza sociala dal chantun Grischun lavuras ti per differents posts da l'institut e survegns uschia in'invista cumplessiva en las assicuranzas socialas. Ti vegns ad esser bler en contact direct cun la clientella ed ad accumpagnar e sustegnair di per di ils basegns da nossas clientas e noss clients. Sco emprendist:a pos ti collavurar a moda activa a questas incumbensas impurtantas e gidar a las concepir.

Voss profil

Ti partas noss plaschair d'avair contact cun differents umans ed has bunas abilitads da s'exprimer a bucca ed en scrit per communitgar cun nossas clientas e noss clients ed en la squadra. Ti has in dun da t'adattar, lavuras gugent en in team e ta sentas bain en in conturn viscal. Tes profil vegn cumplettà da bunas notas da finiziun da la scola secundara.

Noss avantatgs per Vus

Contribuziun pauschala per material per mintga onn d'emprendissadi

Per che ti hajas tut quai che ti dovras per tes emprendissadi sustegnain nus tai finanzialmain cun ina contribuziun per material per mintga onn d'emprendissadi.

Sustegn da cumprar in laptop

Nus savain quant impurtanta che la tecnologia è ozendi. Perquai gidain nus gugent nossas emprendistas e noss emprendists da cumprar in laptop.

Indemnisaziun da l'abunament da mesa taxa

Per che ti sajas da viadi a moda flexibla e favuraivla surpigliain nus ils custs per tes abunament da mesa taxa.

Segiurns linguistics e certificats

Nus cartain en l'impurtanza da cumpetenzas linguisticas ed abilitadas dad IT. Perquai sa participain nus a segiurns linguistics, diploms da lingua e certificats da l'informatica.

Temp liber durant il temp da lavur

Tar nus has ti la pussaivladad da far pensums e d'emprender per clausuras durant il temp da lavur. Nus sustegnain tai da profitar il meglier pussaivel da tes temp d'emprendissadi.

Premias per examens finals e regal da finiziun

Sco motivaziun e pajaglia per prestaziuns extraordinarias – en scola ed en il manaschi – pajain nus premias per examens finals. Plinavant survegnan tut las emprendistas ed ils emprendists in regal da finiziun sco renconuschientscha da lur conclusiun da l'emprendissadi reussida.

Lieu da lavur

SVA Graubünden
Ottostrasse 24
7001 Chur

Per dumondas dal fatg stat Andrea Rohner, Manadra persunal, gugent a Vossa disposiziun sut il numer da Telefon: +41 81 257 41 32.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.

Nus ans legrain sin Vossa annunzia online e d'emprender d'enconuscher Vus.

S'annunziar uss