Ina referendaria u in referendari per il team prestaziuns d'AVS/AI
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

En questa funcziun variada essas Vus la persuna responsabla per las prestaziuns finanzialas da l'emprima pitga. Quellas furman la basa d'existenza ed èn l'element il pli impurtant da noss sistem da las trais pitgas.

Vossas incumbensas

Ina da Vossas incaricas principalas è da calcular e da disponer davart las rentas da vegliadetgna da l'AVS, las rentas da l'AI sco era davart ils dretgs sin in'indemnisaziun a persunas dependentas d'agid e sin ina diaria. En pli faschais Vus las calculaziuns anticipadas da la renta e las partiziuns d'entradas en cas da divorzi. Per persunas cun periodas d'assicuranza a l'exteriur iniziais Vus la procedura bilaterala per dretgs sin ina renta da l'exteriur. Voss champ da lavur interessant e varià vegn cumplettà cun l'incumbensa da dar scleriment via telefon u per e-mail a clientas e clients sco er a partenarias e partenaris interns ed externs.

Voss profil

Vus avais terminà cun success ina scolaziun da basa commerziala e disponis d'intgins onns experientscha professiunala pratica en il sectur da las assicuranzas socialas u en l'administraziun publica. Vus essas ina persunalitad iniziativa che lavura gugent a moda autonoma ed en atgna responsabladad. Vus vesais connexs professiunals e savais applitgar senza difficultads disposiziuns ed instrucziuns legalas. Vus represchentais nossas valurs cun satisfar als basegns ed als giavischs da nossas clientas e da noss clients a moda umana ed orientada a lur basegns e cun far servetschs irreproschabels.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Willi Lütscher, manader dal team prestaziuns d'AVS/AI, gugent a Vossa disposiziun sut il numer da Telefon: + 41 81 257 41 75.

Per dumondas en connex cun il process da recrutaziun contactai p.pl. Andrea Rohner, manadra da persunal, sut il numer da telefon: + 41 81 257 41 32.
Nus ans legrain sin Vossa annunzia online e d'emprender d'enconuscher Vus.