Ina cussegliadra u in cussegliader da professiun e da carriera per l’uffizi da l’AI
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

L’assicuranza d’invaliditad (AI) è in’assicuranza sociala obligatorica en l’entira Svizra. Ella sustegna las persunas assicuradas ch’èn smanatschadas u pertutgadas d’invaliditad cun mesiras d’integraziun. La finamira è che las persunas assicuradas possian segirar lur existenza dal tuttafatg u per part a moda autonoma. Sch’ina tala (re)integraziun n’è betg pussaivla u pussaivla mo per part, paja l’AI ina renta (parziala).

Vossas incumbensas

Vus cussegliais ed accumpagnais umans cun ina restricziun da sanadad sin la via da l’integraziun professiunala cun la finamira d’integrar els en l’emprim martgà da lavur. Vus elavurais a moda independenta e cumpetenta las basas da decisiun necessarias, gestiunais ils cas correspundents ed accumpagnais ils process. La communicaziun e las tractativas cun ils partenaris interns ed externs participads al process d’integraziun giogan ina rolla impurtanta.

Voss profil

Nus spetgain in studi da psicologia terminà u in diplom d’ina scola auta spezialisada en il sectur pedagogic/social u en economia da manaschi. Il perfecziunament per la cussegliaziun da professiun e da carriera avais Vus gia terminà u essas pronta resp. pront d’absolver quel. Vus avais in’auta cumpetenza sociala e talent da communitgar, essas ina persunalitad creativa, abla da lavurar en in team ed As distinguis tras atgna iniziativa, perseveranza e l’abilitad da supportar squitsch. Ina cumparsa positiva, empatia e capacitad da sa far valair cumpletteschan Voss profil.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Dario Heule, Manader da squadra cussegliaziun professiunala, gugent a Vossa disposiziun sut il numer da Telefon: +41 81 257 42 35.

Per dumondas en connex cun il process da recrutaziun contactai p.pl. Andrea Rohner, Manadra persunal, sut il numer da telefon: +41 81 257 41 32.
Nus ans legrain sin Vossa annunzia online e d'emprender d'enconuscher Vus.