ina praticanta u in praticant per l’uffizi da l’AI
Pensum: 80% - 100%
L'Institut d'assicuranza sociala dal chantun Grischun è il center da cumpetenza per las assicuranzas socialas cun var 200 collavuraturas e collavuraturs che garanteschan che las incumbensas vegnian ademplidas a moda cumpetenta. Per realisar nossa incarica da prestaziun pretensiusa tschertgain nus collavuraturas e collavuraturs activs sco Vus che lavuran gugent independentamain en il contact cun clients e ch'èn prontas e pronts da surpigliar responsabladad.

L’assicuranza d’invaliditad (AI) è in’assicuranza sociala obligatorica en l’entira Svizra. Ella sustegna las persunas assicuradas ch’èn smanatschadas u pertutgadas d’invaliditad cun mesiras d’integraziun. La finamira è che las persunas assicuradas possian segirar lur existenza dal tuttafatg u per part a moda autonoma. Sch’ina tala (re)integraziun n’è betg pussaivla u pussaivla mo per part, paja l’AI ina renta (parziala).

Vossas incumbensas

Il praticum da 12 mais porscha a maturandas ed a maturands engaschads, che planiseschan da far in onn intermediar avant il studi, in’invista variada en las differentas incumbensas da la cussegliaziun professiunala da l’AI. Els emprendan d’enconuscher ils connexs sociopolitics ed economics ed il sectur da l’integraziun professiunala. Els gidan il team da la cussegliaziun professiunala ad ademplir las incumbensas administrativas ed organisatoricas ed han era regularmain contact persunal cun las persunas assicuradas sco era cun instituziuns, partenaris u patruns.

Voss profil

Vus avais terminà la matura ed avais interess d’emprender d’enconuscher il sectur da las assicuranzas socialas. Vus essas ina persunalitad averta, communicativa e motivada d’impunder Vossas abilitads en in ambient d’interpresa dinamic e da scuvrir Vossas fermezzas professiunalas. Vus avais in dun d’exequir incumbensas administrativas, bunas enconuschientschas dal computer e savais fitg bain tudestg.

Noss avantatgs per Vus
Cundiziuns d'engaschament attractivas e prestaziuns socialas modernas
La pussaivladad da lavurar en il biro a chasa
Model da temp da lavur annual
La pussaivladad da cumprar fin duas emnas da vacanzas supplementaras
Pussaivladads da perfecziunament generusas
Incumbensas satisfaschantas e pretensiusas en in conturn dinamic
Plazzas da lavur topmodernas
Cafetaria en chasa
Lieu da lavur
SVA Graubünden
Ottostrasse 24
7001 Chur
Per dumondas dal fatg stat Jeannine Kaufmann, Manadra da team da la cussegliaziun professiunala, gugent a Vossa disposiziun sut il numer da Telefon: +41 81 257 42 37.

Per dumondas en connex cun il process da recrutaziun contactai p.pl. Silvia Calzaferri, Spezialista HR, sut il numer da telefon: +41 81 257 41 20.
Nus ans legrain sin Vossa annunzia online e d'emprender d'enconuscher Vus.