Assistenta u assistent / mastergnanta u mastergnant

Uffizi da migraziun e da dretg civil | 60–100 % | Center da transit Valbella, Litzirüti

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.

Per l'Uffizi da migraziun e da dretg civil tschertgain nus per il 1. da favrer 2026 u tenor cunvegna in'assistenta u in assistent / mastergnanta u mastergnant per il center da transit Valbella.

Voss champ d'incumbensas

  • Surpigliar incumbensas dal mantegniment d'edifizis e garantir l'urden en il center
  • Sustegnair ed assister las abitantas ed ils abitants en las dumondas da la vita quotidiana
  • Liquidar incumbensas administrativas e manar ils dossiers electronics
  • Cooperar ad in process senza incaps en il viv manaschi dal center
  • Documentar e rapportar davart eveniments e svilups relevants
  • Prestar mintgatant servetsch da pichet ordaifer las uras da manaschi

Quai che nus giavischain da Vus

  • Scolaziun da basa terminada en il sectur artisanal, en il mantegniment d'edifizis u en in champ professiunal administrativ resp. social
  • Abilitad da supportar squitsch, sensibilitad e plaschair dal contact cun persunas da differentas culturas e cun differentas istorgias da vita
  • Moda da lavurar independenta, orientada a las finamiras ed abilitad da lavurar en in team
  • Pazienza, flexibilitad e forza da persvader
  • Enconuschientschas da linguas estras e permiss da manischar categoria B èn d'avantatg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi da fatgs da polizia e da dretg civil
Arosastrasse 103
7058 Litzirüti
Nus ans legrain da Vossa annunzia online e da far Vossa enconuschientscha.