Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva. Cun l'intent d'impedir ulteriurs acts criminals lavuran differents geners da professiuns en moda interdisciplinara cun persunas che han commess malfatgs.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Per cumplettar noss team d'administraziun tschertgain nus per il 1. da favrer 2027 u tenor cunvegna ina referendaria u in referendari Administraziun e projects digitals (plazza limitada fin ils 31 da december 2028)
Voss champ d'incumbensas
- Collavurar activamain a la realisaziun da projects da digitalisaziun sco er a la simplificaziun ed al transferiment da process da lavur analogs existents en process digitals
- Rectifitgar e structurar ils giraders da rait ed ils deposits da datas existents
- Sustegnair la direcziun sco er la manadra da l'administraziun en il mintgadi operativ e garantir in andament effizient da las incumbensas administrativas multifaras
- Liquidar incumbensas generalas d'elavuraziun specifica
Quai che nus giavischain da Vus
- Scolaziun commerziala AFQ sco er plirs onns experientscha professiunala, scolaziun sco assistenta u assistent da direcziun è d'avantatg
- Persunalitad orientada als servetschs, engaschada, equilibrada, structurada ed independenta cun dun organisatoric
- Buna expressiun en scrit ed a bucca per tudestg; enconuschientschas supplementaras da las linguas chantunalas e da linguas estras èn d'avantatg
- Fitg bunas enconuschientschas da Microsoft Office sco er ina gronda affinitad per la IT
- Ina conduita irreproschabla
Nus ans legrain da Vossa annunzia online e da far Vossa enconuschientscha.