Giurista u giurist per il Servetsch giuridic

Departament da furmaziun, ambient e cultura | 50 % | Cuira

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

Il Departament da furmaziun, ambient e cultura (DFAC) cumpiglia tschintg uffizis cun incumbensas multifaras. Sco post da stab sustegna il Secretariat general la gestiun dal departament ed accumpogna tranter auter fatschentas giuridicas e politicas.

Stgaffi clerezza en dumondas giuridicas!

Vus na vulais betg mo analisar dumondas giuridicas, mabain er elavurar ellas a decisiuns fundadas? En il Servetsch giuridic dal DFAC elavurais Vus cas multifars da dretg administrativ e redigis decisiuns correspundentas en il champ da cumpetenza dal departament.

En questa lavur As spetgan incumbensas giuridicas variadas, spazi per lavurar independentamain ed in team colleghial che sustegna in l'auter e che appreziescha il barat professiunal.

Nus tschertgain per il 1. da favrer 2027 u tenor cunvegna ina giurista u in giurist per il Servetsch giuridic.

Voss champ d'incumbensas

  • Elavurar ed instruir en moda independenta proceduras da recurs administrativs en differents champs giuridics, fin a la redacziun da las decisiuns respectivas
  • Cussegliar e sustegnair ils uffizis dal departament en dumondas giuridicas
  • Elavurar dumondas administrativas e penalas, en spezial en ils secturs da la furmaziun, da l'ambient e da la cultura
  • Cooperar a consultaziuns davart proceduras da legislaziun da la Confederaziun

Quai che nus giavischain da Vus

  • Studi da giurisprudenza terminà
  • Da preferenza experientscha professiunala en noss champs giuridics resp. interess e plaschair da s'approfundar en noss champs giuridics
  • Moda da lavurar independenta, structurada e conscienziusa cun in flair per soluziuns pratitgablas
  • Expressiun segira en scrit ed a bucca en tudestg
  • Spiert da team, buna abilitad da communitgar e plaschair da collavurar cun differentas gruppas d'interess

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Departament d'educaziun, cultura e protecziun da l'ambient
Quaderstrasse 17
7001 Cuira

Per dumondas davart la plazza stat Clelia Meyer, manadra Servetsch giuridic DFAC, gugent a Vossa disposiziun sut il numer da telefon 081 257 27 25 u per e-mail a clelia.meyer@dbuk.gr.ch.

Termin d'annunzia:
3 da december 2026


Nus ans legrain da Vossa annunzia online e da far Vossa enconuschientscha.