Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per conceder e retrair permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil tschertgain nus per il 1. da favrer 2027 u tenor cunvegna ina persuna responsabla per il sectur Prevenziun dal rassissem e protecziun cunter la discriminaziun (Post spezialisà per l'integraziun).
Voss champ d'incumbensas
- Manar il Post da cussegliaziun cunter rassissem
- Cussegliar en il cas singul ed accumpagnar victimas da discriminaziun rassistica
- Crear contacts, transferir savida e sustegnair projects en il chantun Grischun
- Sviluppar e realisar purschidas da sensibilisaziun e da prevenziun
- Cooperar a la lavur da publicitad
- Cooperar a sviluppar in plan d'acziun chantunal en il sectur da la prevenziun dal rassissem e da la protecziun cunter discriminaziun
Quai che nus giavischain da Vus
- Scolaziun terziara terminada, da preferenza diplom universitar / da scola auta spezialisada en scienzas socialas, scienzas umanas, diversitad culturala e diversitad, u sumegliant
- Enconuschientschas praticas e teoreticas fundadas en il sectur da la migraziun e da l'integraziun ed experientscha professiunala correspundenta
- Cumpetenza interculturala e sensibilitad per ina societad diversa
- Experientscha da cussegliaziun en il sectur simpel
- Enconuschientschas cumprovadas ed experientscha en la collavuraziun interdisciplinara
- Enconuschientscha ed experientscha en il management da projects e da cas
- Enconuschientschas ed experientscha en la cuntrada da cussegliaziun rassissem / discriminaziun
Nus ans legrain da Vossa annunzia online e da far Vossa enconuschientscha.