Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva. Cun l'intent d'impedir ulteriurs acts criminals lavuran differents geners da professiuns en moda interdisciplinara cun persunas che han commess malfatgs.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Per il 1. da schaner 2027 u tenor cunvegna tschertgain nus ina collavuratura u in collavuratur per la plazza da laina.
Voss champ d'incumbensas
- Assister, introducir e manar persunas collocadas
- Liquidar en moda cumpetenta ed a temp tut las lavurs che resultan en il sectur da la gestiun da laina dad arder e da stalizzas sco er da lavurs communalas
- Assister la clientella ed ils servetschs da furniziun
- Prestar servetschs da fin d'emna e da pichet en il servetsch d'assistenza e da segirezza dal Stabiliment giudizial Realta
Quai che nus giavischain da Vus
- Emprendissadi terminà cun AFQ en il sectur da lain u artisanal
- Experientscha professiunala da plirs onns
- Persunalitad flexibla ch'è abla da lavurar en in team e da supportar squitsch e che ha ina gronda cumpetenza sociala
- Motivaziun d'instruir e d'assister persunas en lur mintgadi d'execuziun tenor princips socioprofessiunals
- Bunas enconuschientschas dal tudestg (almain C1); ulteriuras enconuschientschas da las linguas chantunalas e da linguas estras èn d'avantatg
- Permiss da manischar da las categorias B e BE
- Prontezza d'absolver la scolaziun sco spezialista u spezialist per l'execuziun giudiziala
- Conduita irreproschabla (naginas inscripziuns en il register penal ed en il register da scussiun)
Nus ans legrain da Vossa annunzia online e da far Vossa enconuschientscha.