Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun e dal chantun Glaruna sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Per il 1. da schaner 2027 u tenor cunvegna tschertgain nus ina collavuratura u in collavuratur Tgira dals conturns e lavurs da mantegniment
Voss champ d'incumbensas
- Cultivar e mantegnair las surfatschas verdas, ils pastgets, las saivs vivas sco er las eras da flurs
- Nettegiar e mantegnair plazzas, vias ed ulteriurs secturs interns ed externs incl. servetsch d'enviern
- Cultivar, nettegiar e controllar ils vehichels dal pool sco er garantir lur prontezza a l'acziun
- Tgirar il post extern Cuira Waldhaus / Plantahof
- Gidar a preparar locals da seminari, ad assister giasts e gidar a chaschun d'occurrenzas spezialas
Quai che nus giavischain da Vus
- Scolaziun u experientscha professiunala en l'orticultura, en la cultivaziun da las surfatschas verdas u en il mantegniment dal manaschi ubain ina qualificaziun cumparegliabla
- Moda da lavurar autonoma e fidada sco er l'abilitad d'organisar lavurs tenor il plan da cultivaziun e las prescripziuns dal manaschi
- Permiss da manischar da la categoria B
- Prontezza da far servetschs da fin d'emna, en spezial durant il servetsch d'enviern ed a chaschun d'occurrenzas spezialas
- La lingua da lavur generala è tudestg, enconuschientschas d'ina ulteriura lingua chantunala èn d'avantatg
Nus ans legrain da Vossa annunzia online e da far Vossa enconuschientscha.