Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Tes ambient
Il team dal management da servetsch da la ICT da la Polizia chantunala dal Grischun procura sco purschider da servetschs per il manaschi segir e senza incaps da passa 600 plazzas da lavur ed apparats mobils. Per rinforzar noss team tschertgain nus per immediat u tenor cunvegna ina persunalitad motivada sco ICT product owner. En stretga collavuraziun cun il team da manaschi da la ICT e l'Uffizi d'informatica procuras ti, che nossas collavuraturas e noss collavuraturs survegnan il meglier servetsch dad IT pussaivel.
Tes champ d'incumbensas
- Registrar, priorisar e realisar las pretensiuns ed ils basegns ensemen cun las parts involvidas internas ed externas
- Sviluppar vinavant permanentamain il management da servetsch dad IT ed ils process da support
- Coordinar ed accumpagnar releases e changes
- Identifitgar problems e ristgas sco er elavurar propostas da soluziun adattadas
- Manar projects per meglierar l'user experience e la cuntentientscha da la clientella
- Collavurar en il management da licenzas
- Gidar il team ad elavurar incidents
Quai purschain nus a tai
- Ina lavur multifara e cun responsabladad en in team engaschà
- La pussaivladad da gidar a concepir activamain il management da servetsch da la ICT en il conturn critic per la segirezza da la Polizia chantunala
- Models da temp da lavur flexibels, inclusiv jobsharing
- Plaz da lavur a Cuira cun bunas colliaziuns cun il traffic public
Quai giavischain nus da tai
- Scolaziun terminada sco informaticra u informaticher AFQ, en il cas ideal cumplettà cun ina furmaziun supplementara en informatica u informatica economica sin il stgalim SSS / SAS
- Intgins onns experientscha professiunala ed enconuschientschas specificas approfundadas en il sectur dad IT
- Experientscha sco product owner u business analyst, en il cas ideal en il management da servetsch e support
- Fitg bunas abilitads da communitgar e da coordinar sco er ina moda da lavurar independenta ed orientada a soluziuns
- Buna chapientscha per user experience, qualitad dals servetschs e segirezza da las infurmaziuns
- L'abilitad d'intermediar connexs tecnics cumplexs en moda chapaivla e tenor ils basegns da las adressatas e dals adressats.
- Bunas enconuschientschas dal tudestg; enconuschientschas dal talian èn d'avantatg
- Prontezza da far servetschs da pichet periodics (4–6 emnas per onn)
Nus ans legrain da tia annunzia online e d'emprender ad enconuscher tai.