Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s'engaschan per ils basegns da la societad envers il guaud e garanteschan, ch'il guaud vegnia tractà en moda persistenta.
Ti procuras ch'il guaud grischun
- possia proteger ils umans, ils animals e l'infrastructura,
- saja il spazi da viver da bleras differentas spezias d'animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
L'Uffizi da guaud e privels da la natira porscha tenor cunvegna in praticum professiunal (80–100 %) en la regiun Grischun Central / Moesano (lieu da lavur Casti).
Sin quai pos ti ta legrar
- Concepir en moda individuala il praticum confurm a tias / nossas preferenzas
- Da survegnir ina invista cumplessiva dal management dal guaud da muntogna
- Ina incumbensa che fa senn e che ha in connex direct cun il management da ristgas integral en cas da privels da la natira, la natira en general e la tecnica
- Lavurar en moda independenta en in team engaschà e colleghial
- Cundiziuns da lavur modernas
Tes champ d'incumbensas
- Obtegnair ina invista multifara da las lavurs dal servetsch forestal chantunal dal Grischun
- Gidar a marcar ils tagls da lain da guauds da muntogna en il guaud da protecziun
- Accumpagnar ad inspecziuns en connex cun privels da la natira
- Prender invista da la planisaziun e la realisaziun d'ovras da protecziun e d'averturas
- Elavurar concepts d'ecologia forestala
- Sustegnair en connex cun lavurs da publicitad
- Accumpagnar en connex cun temas dal dretg forestal
Quai giavischain nus da tai
- Scienziada natirala u scienzià natiral da l'ambient e da l'ecologia cun approfundaziun guaud u cuntrada (almain Bsc) ubain inschignera forestala u inschigner forestal SAS u scolaziun sumeglianta confurm als champs d'incumbensas
- Durada dal praticum 4–6 mais (da preferenza en ils mais mars fin november) u tenor cunvegna
- Ina persunalitad engaschada, orientada al team e fidada
- La lingua da lavur generala è tudestg; bunas enconuschientschas da pliras linguas chantunalas èn d'avantatg
Nus ans legrain da tia annunzia online e d'emprender ad enconuscher tai.