Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Cassa da pensiun dal Grischun è la pli gronda instituziun da provediment en il chantun Grischun. Ella ha passa 10 000 persunas assicuradas, passa 4000 persunas pensiunadas sco er 130 patrunas e patruns affiliads. Nus administrain ina facultad da provediment da 4,5 milliardas francs.
Nossas persunas assicuradas èn tranter auter las collavuraturas ed ils collavuraturs dal chantun Grischun, dals instituts da dretg public, da vischnancas, scolas ed instituziuns dal sectur da sanadad e social. Grazia a questa diversitad è nossa lavur variada e procura mintga di per dumondas captivantas e pretensiusas.
Per noss team da provediment tschertgain nus per immediat u tenor cunvegna ina persunalitad engaschada cun orientaziun als servetschs sco assistenta u assistent da clients Provediment.
En questa lavur essas Vus l'emprima persuna da contact per nossas persunas assicuradas, nossas patrunas e noss patruns sco er nossas persunas pensiunadas. Sche la qualificaziun e l'interess èn avant maun, As dain nus la pussaivladad d'As sviluppar vinavant ad in'experta u in expert. En quest connex surpigliais Vus ulteriura responsabladad professiunala.
Voss champ d'incumbensas
- Vus elavurais en moda independenta e professiunala las fatschentas da provediment da nossas persunas assicuradas (entradas ed extradas, midadas dal salari e dal grad d'occupaziun, divorzis, promoziun da la proprietad d'abitaziuns, cumpras, pensiunaments)
- Vus assistis en moda engaschada nossas persunas assicuradas, nossas patrunas e noss patruns sco er nossas persunas pensiunadas en tudestg ed en il cas optimal en in'ulteriura lingua uffiziala
- Vus sustegnais il team Provediment en cas d'invaliditad e da mortori en collavuraziun cun nossa reassicuranza
- Vus gidais activamain a sviluppar vinavant ils process ed ils chanals digitals
Quai che nus giavischain da Vus
- Furmaziun da basa commerziala
- Experientscha en il provediment professiunal u en il sectur da las assicuranzas socialas è d'avantatg
- Ferma orientaziun als basegns da la clientella ed als servetschs
- Fitg bunas enconuschientschas dal tudestg ed enconuschientschas d'ulteriuras linguas chantunalas
- Moda da lavurar independenta, exacta e fidada cun grond senn per qualitad sco er abilitad da supportar squitsch durant ils temps da blera lavur
- Plaschair d'ina collavuraziun
Nus ans legrain da Vossa annunzia online e da far Vossa enconuschientscha.