Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. Il Cumissariat fixescha las taglias sin las entradas e sin la facultad da persunas natiralas (taglia federala directa e taglia chantunala).
Per il 1. da favrer 2027 u tenor cunvegna tschertgain nus ina controlladra u in controllader per la secziun Servetschs interns e controlla.
Voss champ d'incumbensas
- Cooperar ed extender il sistem da controlla intern per il cumissariat ed ils uffizis communals da taglia, quai per garantir la qualitad e l'execuziun processuala correcta da la Lescha da taglia e da las fixaziuns da la pratica
- Planisar, organisar e coordinar las lavurs periodicas annualas sco er garantir ina realisaziun a temp (process da facturaziun, mussavias, software da decleraziun e da taxaziun e.u.v.)
- Identifitgar e planisar pussaivladads da svilup, sinergias ed optimaziuns da process sco er collavurar activamain en projects correspundents
- Elavurar analisas e rapports en collavuraziun cun la direcziun da la partiziun
- Pussaivladad da surpigliar ina direcziun dal team
Quai che nus giavischain da Vus
- Scolaziun commerziala da basa terminada sco er diplom d'ina scola auta spezialisada u d'ina universitad en economia da manaschi, informatica, economia u dretg
- Enconuschientschas d'organisaziun e da coordinaziun
- Experientscha en il sectur dad IT u controlling
- Enconuschientschas da basa dal dretg fiscal svizzer sco er la prontezza d'approfundar quellas cuntinuadamain
- Moda da lavurar structurada e fidada, gronda atgna responsabladad sco er ina ferma conscienza per la qualitad
- Expressiun segira a bucca ed en scrit per tudestg
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.