Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Da la PCR fin a l'autopsia – tar nus n'è betg in di sco l'auter!
En noss labor per diagnostica veterinara prestain nus ina contribuziun impurtanta a favur da la sanadad e da la surveglianza d'epidemias d'animals entaifer ed er ordaifer ils chantuns Grischun e Glaruna.
ELISA, biologia moleculara, microbiologia, parasitologia e patologia – tar nus na fas ti betg adina il medem, mabain es dapertut da la partida. En noss pitschen team che funcziuna bain ta spetgan incumbensas variadas, blera atgna responsabladad ed in ambient da lavur colleghial.
Per il 1. da matg 2027 u tenor cunvegna tschertgain nus ina laboranta u in laborant per la diagnostica veterinara per l'Uffizi da veterinari e victualias.
Tes champ d'incumbensas
- Realisar ed evaluar analisas diagnosticas en ils secturs serologia (ELISA), biologia moleculara (PCR), microbiologia e parasitologia
- Collavurar en connex cun analisas e secziuns patologicas-anatomicas
- Elavurar provas en moda independenta – da l'entrada da las provas fin a la registraziun dals resultats
- Collavurar a la garanzia da qualitad ed a l'ulteriur svilup da noss sistem da management da qualitad
- Mantegnair ils apparats da labor
- Cooperar a l'optimaziun ed a l'ulteriur svilup da metodas diagnosticas e d'andaments da labors
Quai purschain nus a tai
- Variaziun empè da rutina: Tar nus n'es ti betg restrenschida u restrenschì ad in singul sectur spezial, mabain lavuras en tut las spartas da la diagnostica da la medischina veterinara.
- In pitschen team che collavura fitg bain: Nus sustegnain in l'auter, tgirain in contact nuncumplitgà e stimain curtas vias da decisiun.
- Atgna responsabladad e cunconcepziun: Tias ideas èn bainvegnidas e ti pos gidar a concepir activamain noss andaments da lavur.
- Ina incumbensa utila: Cun tia lavur contribueschas ti directamain a la sanadad d'animals ed al cumbat cunter epidemias d'animals.
- Pussaivladads da svilup: Nus ta sustegnain d'amplifitgar tias enconuschientschas spezialisadas e d'emprender ad enconuscher novas metodas.
- Lieu da lavur attractiv: Tes plaz da lavur è en la citad alpina da Cuira – cun ses flair urban, las muntognas davant porta e nundumbraivlas pussaivladads per far sport ed aventuras en la natira durant mintga stagiun.
Quai giavischain nus da tai
- Scolaziun terminada sco laboranta u laborant da biologia AFQ, analiticra biomedicinala u analiticher biomedicinal SSS, bachelor en diagnostica da labor biomedicinala u ina scolaziun cumparegliabla
- En il cas ideal experientscha en la diagnostica da labor – ti na stos dentant betg gia savair tut nossas metodas
- Ina moda da lavurar independenta, conscienziusa e fidada
- Plaschair d'incumbensas variadas ed interess d'emprender chaussas novas
- Spiert da team, flexibilitad e la prontezza da gidar er ina giada ordaifer l'agen sectur spezial
- Interess per dumondas da la medischina veterinara
Nus ans legrain da tia annunzia online e d'emprender ad enconuscher tai.