Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
En il chantun collia il Post da coordinaziun Violenza a chasa tut ils posts che s'occupan da la prevenziun e dal cumbat da violenza a chasa e da violenza specifica per la schlattaina, tranter quels la polizia, la giustia, ils fatgs da sanadad, l'agid a victimas ed ulteriurs posts da cussegliaziun. El coordinescha la realisaziun da la Convenziun d'Istanbul sco er da las strategias naziunalas e chantunalas, sviluppa concepts per ir enturn cun la violenza a chasa e promova il transfer da savida, la prevenziun e la constataziun tempriva. Durant l'absenza da var 4 mais da la titulara da la plazza sco er per ulteriurs 8 mais tschertgain nus ina persuna engaschada che garantescha la coordinaziun permanenta e ch'è responsabla per agens projects.
Per l'Uffizi da fatgs socials tschertgain nus per il 1. da schaner 2027 u tenor cunvegna ina substituta u in substitut da la coordinatura Violenza a chasa. La plazza è limitada fin ils 31 da december 2027.
Voss champ d'incumbensas
- · Garantir la coordinaziun tranter ils posts participads ed esser la persuna da contact per organisaziuns e posts interns ed externs durant l'absenza da la titulara actuala da la plazza.
- · Surpigliar la responsabladad per preparar e realisar ils Dis d'acziun cunter violenza a chasa 2027 sco er per preparar e realisar lavurs da sensibilisaziun.
- · Collavurar a la creaziun da la collecziun da datas chantunala en il sectur da la violenza a chasa e da la violenza tipica per la schlattaina.
- · Collavurar cun la titulara da la plazza vi da differents projects e differentas lavurs en il sectur, e quai avant e suenter sia absenza.
Quai che nus giavischain da Vus
- Diplom da scola auta en scienzas socialas u en giurisprudenza u ina scolaziun cumparegliabla
- Abilitads concepziunalas
- Experientscha pratica da planisar e da realisar projects
- Experientscha en il champ tematic violenza a chasa, legislaziun, collecziun da datas, agid a victimas, prevenziun u en l'administraziun publica è d'avantatg
- Bun dun receptiv e buna expressiun linguistica
- Moda da lavurar independenta e structurada
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.