Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun dal chantun Grischun represchenta l'Uffizi da construcziun auta ils interess dal chantun sco proprietari d'immobiglias e/u sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er cussegliaziuns.
Per il 1. da schaner 2027 u tenor cunvegna tschertgain nus ina manadra u in manader da project Management dal project da construcziun.
Sco manadra u manader da project Management dal project da construcziun As spetgan in ambient da lavur avert a Cuira, pussaivladads attractivas d'absolver furmaziuns supplementaras e la pussaivladad da cumbinar la professiun cun la famiglia ed il temp liber.
Voss champ d'incumbensas
- Represchentar il patrun da construcziun sco manadra u manader da project per la planisaziun e realisaziun da novs edifizis, da renovaziun sco er da restauraziuns dal vast portfolio d'immobiglias dal chantun
- Definir las finamiras dals projects e survegliar tut las fasas dals projects
- Preparar e realisar proceduras che garanteschan la qualitad per acquistar las prestaziuns da construcziun e da servetsch
- Collavurar a l'elavuraziun da la dumonda da credit a las instanzas cumpetentas
- Diriger e garantir las prescripziuns da termins, custs e qualitad
- Realisar autas pretensiuns da persistenza e princips da l'economia circulara
- Coordinar la communicaziun e la collavuraziun da tut las gruppas en mira participadas al project
- Collaudar e controllar il rendaquint final
- Elavurar la finiziun dal project e la documentaziun
Quai che nus giavischain da Vus
- Vus avais terminà ina scolaziun sco architecta u architect
- Vus avais experientscha en il management da projects e da preferenza er sco represchentanta u represchentant dal patrun da construcziun
- Vus avais l'abilitad da formular e da communitgar fatgs cumplexs en moda clera e chapaivla en tudestg
- Vus avais in pensar marcant d'interprendider sco er in grond senn da responsabladad e da qualitad
- Vus avais l'abilitad da lavurar en in team e lavurais a favur da soluziuns e da servetschs
- Vus avais plaschair ed inschign d'ir enturn cun differentas gruppas d'interess
- Vus communitgais en moda clera e lavurais en projects gugent en in team
- Vus avais ina demananza segira, amiaivla e persvadenta
- L'applicaziun segira da tools digitals e l'interess per nova rauba è per Vus chaussa da mintgadi
- Ina vasta furmaziun generala ed en il cas ideal bunas enconuschientschas da pliras linguas chantunalas cumpletteschan Voss profil
Nus ans legrain da Vossa annunzia online e da far Vossa enconuschientscha.