Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l'assistenza, per l'execuziun d'expulsiuns sco er per l'integraziun. Plinavant vegnan emess documents d'identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l'Uffizi da migraziun e da dretg civil è a Cuira.
Per l'Uffizi da migraziun e da dretg civil, Post spezialisà per l'integraziun, tschertgain nus a partir dal 1. da schaner 2027 u tenor cunvegna ina persuna responsabla per il sectur Promoziun tempriva.
Voss champ d'incumbensas
- Iniziar e realisar projects d'integraziun en il sectur Promoziun tempriva en il chantun Grischun
- Elavurar ed examinar dumondas da projects inoltrads sco er las lavurs da planisaziun, da coordinaziun e da controlla respectivas per garantir la qualitad
- Cussegliar en moda operativa projects ed accumpagnar las instituziuns responsablas en connex cun la realisaziun dals projects d'integraziun
- Cooperar cun posts chantunals, vischnancas e terzs
- Esser il post responsabel per acquistar la lingua d'uffants dal sectur d'asil da la vegliadetgna da prescolina
- Intermediar purschidas adattadas per promover la lingua ed accumpagnar las famiglias e las instituziuns responsablas durant la durada da la mesira.
Quai che nus giavischain da Vus
- Scolaziun terziara terminada, da preferenza diplom universitar / d'ina scola auta spezialisada en pedagogia
- Enconuschientschas praticas e teoreticas fundadas en il sectur Promoziun tempriva ed acquisiziun da la lingua cun experientscha professiunala respectiva
- Cumpetenza interculturala e sensibilitad per ina societad diversa
- Enconuschientscha ed experientscha en il management da projects e da cas
- Atgna iniziativa e plaschair da prender decisiuns
Nus ans legrain da Vossa annunzia online e da far Vossa enconuschientscha.