Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Administraziun chantunala da taglia è cumpetenta per incassar las taglias directas en il chantun Grischun, uschenavant che la legislaziun na prevesa betg ina cumpetenza da la Confederaziun u da las vischnancas. La partiziun Taglias spezialas, secziun Taglia a la funtauna, è responsabla per incassar, survegliar e facturar la taglia a la funtauna.
Per l'Administraziun da taglia dal Grischun, partiziun Taglias spezialas, secziun Taglia a la funtauna, tschertgain nus per il 1. da mars 2027 u tenor cunvegna ina referendaria u in referendari Taglia a la funtauna.
Voss champ d'incumbensas
- Registrar, controllar e curreger rendaquints da la taglia a la funtauna
- Sclerir e collavurar cun las patrunas ed ils patruns sco er las vischnancas
- Elavurar en moda independenta la correspundenza specifica
- Infurmar e cussegliar al telefon las patrunas ed ils patruns sco er las lavurantas ed ils lavurants da las vischnancas attribuidas sco er d'auters posts da servetsch
Quai che nus giavischain da Vus
- Scolaziun commerziala u equivalenta
- Experientscha professiunala da plirs onns, en il cas ideal en il sectur fiscal u l'administraziun da salaris
- Bun dun per cifras ed interess per il dretg fiscal
- Prontezza d'As approfundar svelt en la tematica da la taglia a la funtauna
- Moda da lavurar autonoma, fidada e conscienziusa
- Persunalitad cun senn da responsabladad, discreta ed abla da supportar squitsch
- Demananza persvadenta e forza da persvader
- Plaschair dal contact cun patrunas e patruns sco er lavurantas e lavurants
- Persunalitad averta e communicativa
- Dun da contractar sco er expressiun segira a bucca ed en scrit per tudestg e talian; fitg bunas enconuschientschas dal talian èn la premissa per questa plazza
Nus ans legrain da Vossa annunzia online e da far Vossa enconuschientscha.