Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Departament d'educaziun, cultura e protecziun da l'ambient (DECA) cumpiglia tschintg posts da servetsch cun incumbensas multifaras. Sco post da stab sustegna il Secretariat dal departament la gestiun dal departament ed accumpogna tranter auter fatschentas giuridicas e politicas.
Gidai a concepir las basas legalas da damaun!
Faschai valair Vossa expertisa giuridica là, nua ch'il dretg, la politica e l'administraziun vegnan ensemen, e sviluppai soluziuns che persvadan en la pratica.
En la partiziun Legislaziun lavurais Vus al punct da contact tranter il dretg, la politica e l'administraziun e gidais a concepir en moda activa las cundiziuns generalas legalas dal chantun Grischun. Per quest intent As spetgan dumondas giuridicas pretensiusas, blera atgna responsabladad ed in ambient da lavur colleghial, nua che Vossas ideas quintan.
Nus tschertgain per il 1. da schaner 2027 u tenor cunvegna ina giurista u in giurist per il sectur Legislaziun.
Voss champ d'incumbensas
- Manar e coordinar en moda independenta projects legislativs
- Elavurar relaschs, missivas, propostas da la Regenza e documents da consultaziun
- Cussegliar giuridicamain il departament e ses posts da servetsch
- Analisar dumondas giuridicas cumplexas e sviluppar soluziuns legalmain fundadas e pratitgablas
Quai che nus giavischain da Vus
- Studi da giurisprudenza terminà
- Interess per il dretg public sco er per connexs politics e socials
- Pensar analitic e l'abilitad da resumar fatgs cumplexs en moda chapaivla
- Moda da lavurar independenta, structurada ed orientada a soluziuns
- Bunas abilitads da communitgar, spiert da team e plaschair dal barat professiunal
Nus ans legrain da Vossa annunzia online e da far Vossa enconuschientscha.