Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l'avegnir da l'administraziun chantunala dal Grischun.
Vus lavurais gugent en moda independenta, mantegnais la survista er en cas da blera lavur e appreziais in champ d'incumbensas multifar? Alura essas Vus la dretga persuna per nus! Per rinforzar noss team tschertgain nus tenor cunvegna ina persunalitad engaschada sco referendaria u referendari Administraziun da traffic.
Voss champ d'incumbensas
- Vus elavurais e survegliais independentamain ils process administrativs dals surpassaments da sveltezza.
- Vus controllais entradas da pajaments, scrivais quints, rapportais surpassaments da sveltezza e tramettais vinavant cas a posts cumpetents.
- Vus organisais dumondas d'assistenza giudiziala entaifer ed ordaifer la Svizra.
- Vus surpigliais diversas lavurs da correspundenza e da secretariat en differentas linguas e procurais per ina procedura administrativa senza disturbis.
- Vus essas en contact cun partenaris interns ed externs sco posts da polizia, autoritads e la procura publica.
- Vus contribuis Vossas ideas ed ans sustegnais a meglierar cuntinuadamain ils process existents.
Quai che nus giavischain da Vus
- Vus avais terminà ina scolaziun professiunala commerziala ed avais experientscha pratica da plirs onns en quest champ da lavur.
- Vus savair ir enturn bain cun las applicaziuns dad IT usitadas ed avais interess d'As acquistar enconuschientschas detagliadas dals programs interns dad IT.
- Vus avais in stil da communicaziun segir en tudestg ed avais fitg bunas enconuschientschas a bucca ed en scrit dal talian. Enconuschientschas d'ulteriuras linguas èn in plus.
- Vus lavurais en moda independenta, conscienziusa sco er structurada e mantegnais la survista er en cas da blera lavur.
- Vus essas ina persunalitad fidada ed orientada als servetschs, ch'è abla da supportar squitsch e che ha plaschair da far lavurs administrativas.
- Vus persvadais cun Vossa demananza averta ed amiaivla, cun Vossa abilitad da lavurar en in team e cun Voss senn da responsabladad.
Nus ans legrain da Vossa annunzia online e da far Vossa enconuschientscha.