Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Per rinforzar il team da l'Administraziun da finanzas, tschertgain nus per il 1. da favrer 2027 u tenor cunvegna ina persuna spezialisada per finanzas e contabilitad.
Voss champ d'incumbensas
- Cussegliar e sustegnair ils posts da servetsch chantunals en il sectur da la contabilitad da finanzas e da manaschi
- Surpigliar la responsabladad professiunala per dumondas da la taglia sin la plivalur, cussegliar ils posts da servetsch sco er elavurar ils rendaquints da la taglia sin la plivalur
- Esser responsabla u responsabel per la IT e per la logistica cun l'administraziun d'utilisaders en l'Administraziun da finanzas
- Garantir il support dal segund nivel per las utilisadras ed ils utilisaders dal sistem da contabilitad central
- Manar e collavurar a projects interdisciplinars
Quai che nus giavischain da Vus
- Furmaziun supplementara en finanzas e contabilitad u en administraziun fiduziaria, da preferenza cun certificat professiunal federal
- Experientscha professiunala fundada en finanzas e contabilitad
- Gronda independenza, fidadadad e grond senn per la qualitad sco er ferma orientaziun a la prestaziun da servetschs
- Utilisaziun versada da sistems dad IT, d'applicaziuns da finanzas sco er enconuschientschas fundadas dad Excel per evaluaziuns ed analisas
- Moda da pensar analitica, bun dun receptiv e ferma affinitad per cifras.
- Bunas enconuschientschas da pliras linguas chantunalas èn d'avantatg
Nus ans legrain da Vossa annunzia online e da far Vossa enconuschientscha.