Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus noss posts da servetsch cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
È il servetsch da clientella ICT exact tia chaussa? Nus sco Uffizi d'informatica tschertgain perquai per immediat u tenor cunvegna ina collavuratura u in collavuratur per il servicedesk ICT cun accent sin il knowledge management.
Tes champ d'incumbensas
- Ti elavuras, tgiras e reelavuras instrucziuns e glistas da controlla e preparas cuntegns tecnics en moda chapaivla e confurma als basegns dals adressats.
- Ti procuras che la savida dal servicedesk e dals secturs spezials vegnia registrada ed elavurada en moda structurada, uschia che las collavuraturas ed ils collavuraturs sco er la clientella possian utilisar tala. Per quest intent collavuras ti stretgamain cun ils secturs spezials.
- Ti sviluppas vinavant il knowledge management en il servicedesk, analiseschas dumondas da support che sa repetan e concludas uschia optimaziuns per documentaziuns e per la savida da support.
- Ti elavuras dumondas da support ed annunzias da disturbis e tramettas vinavant cas pli cumplexs al support cumpetent dal nivel respectiv.
Quai giavischain nus da tai
- Tia has ina scolaziun u furmaziun supplementara en informatica ubain plirs onns experientscha en il support da l'emprim nivel
- Ti has ina fitg buna expressiun en scrit en tudestg e sas intermediar fatgs tecnics cumplexs en moda chapaivla e confurm als adressats. Bunas enconuschientschas da pliras linguas chantunalas èn d'avantatg.
- Ti has experientscha cun Microsoft 365 sco er ina vasta chapientscha tecnica.
- Ti lavuras en moda structurada, has in bun senn per la qualitad ed es orientada u orientà al team e ta distinguas tras ina ferma orientaziun als basegns da la clientella ed als servetschs.
Nus ans legrain da tia annunzia online e d'emprender d'enconuscher tai.