Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas. Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a la scola media spezialisada, commerziala e d'informatica. Sco persuna d'instrucziun da tudestg e da tudestg per persunas da lingua estra instruis Vus scolaras e scolars dal gimnasi sco er da la scola media spezialisada, commerziala e d'informatica.
Per nossa scola tschertgain nus per il 1. d'avust 2027 ina persuna d'instrucziun da tudestg e da tudestg per persunas da lingua estra.
Voss champ d'incumbensas
- Instruir ils roms tudestg e tudestg per persunas da lingua estra al gimnasi ed a la scola media spezialisada, commerziala e d'informatica.
- Organisar e realisar emnas da project, occurrenzas da classa ed excursiuns en il team cun autras persunas d'instrucziun
- Surpigliar differentas lavurs entaifer la secziun
- Collavurar a projects da svilup da l'entira scola
Quai che nus giavischain da Vus
- Studi da scola auta terminà en il rom d'instrucziun tudestg sco er in diplom d'instrucziun per scolas da maturitad
- Qualificaziun supplementara en tudestg sco segunda lingua per il stgalim secundar II
- Persunalitad flexibla, iniziativa ed abla da lavurar en in team, che lavura gugent cun persunas giuvnas Ultra da quai giavischain nus ina persuna communicativa che surpiglia responsabladad e che s'engascha gugent en la vita da scola
- Sco persuna d'instrucziun a la scola trilingua cumpletteschan enconuschientschas da las ulteriuras linguas chantunalas Voss profil
Nus ans legrain da Vossa annunzia online e da far Vossa enconuschientscha.