Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Scola chantunala grischuna è ina impurtanta instituziun da furmaziun cun ca. 1000 scolaras e scolars da tuttas trais linguas chantunalas.Sco partiziun da l'Uffizi per la furmaziun media-superiura porscha ella furmaziuns da scola media al gimnasi da lunga e da curta durada sco er a la scola media spezialisada, commerziala e d'informatica. Il Servetsch d'informatica metta a disposiziun ina infrastructura digitala segira e fidada per il manaschi d'instruir e d'emprender, sustegna las scolaras ed ils scolars, las persunas d'instrucziun sco er las collavuraturas ed ils collavuraturs en connex cun dumondas tecnicas. Plinavant accumpogna el la scola da sviluppar vinavant lur ambient digital da lavurar e d'emprender.
Per il Servetsch d'informatica tschertgain nus per il 1. da schaner 2027 u tenor cunvegna ina inschignera u in inschigner da sistem IT/ Support e projects.
Voss champ d'incumbensas
- Garantir il manaschi da l'infrastructura dad IT e dals conturns dal sistem sco er sviluppar vinavant quels
- Tgirar ils sistems da servers, da raits, da client e da cloud sin basa da tecnologias da Microsoft, dad Apple e da Linux
- Analisar ed eliminar disturbis tecnics en il support d'emprim e da segund nivel e sustegnair las persunas d'instrucziun, las collavuraturas ed ils collavuraturs sco er las scolaras ed ils scolars en cas da problems tecnics
- Planisar e realisar projects dad IT, sviluppar concepts tecnics ed introducir novas soluziuns e tecnologias
- Tgirar e sviluppar la tecnica d'audio, da video e da medias en las localitads da scola
- Elavurar e tgirar documentaziuns, standards e process tecnics
- Sustegnair las persunas d'instrucziun sco er las collavuraturas ed ils collavuraturs d'utilisar instruments digitals e da realisar tecnicamain novas furmas digitalas d'emprender e da lavurar
Quai che nus giavischain da Vus
- Scolaziun terminada sco informaticra u informaticher AFQ ubain qualificaziun cumparegliabla
- Experientscha professiunala en l'administraziun e la tgira d'infrastructuras dad IT sco er bunas enconuschientschas d'in u da plirs dals suandants secturs: Windows Server, Linux, Active Directory, Entra ID, Microsoft 365, rait, virtualisaziun e sistems da client
- Experientscha cun projects dad IT, lavur da concept e d'introducir novas tecnologias
- In pensar analitic e cumplessiv, ina moda da lavurar independenta, structurada ed orientada a soluziuns e la prontezza da surpigliar responsabladad
- Persunalitad averta ed orientada als servetschs, che ha plaschair da collavurar cun glieud e che ha l'abilitad d'intermediar fatgs tecnics en moda chapaivla
- Fitg bunas enconuschientschas dal tudestg, enconuschientschas d'autras linguas chantunalas sco er interess per sviluppar medias digitalas en il sectur da furmaziun èn d'avantatg
Nus ans legrain da Vossa annunzia online e da far Vossa enconuschientscha.